கனவு பட்டறை.....

அவள் ஒரு(த்தி)தீ!!...

2011-04-06T15:13:00.000+03:00

அற்றைத் திங்கள் பெண்ணொருத்தி

அழகாய் பேசும் கண் பொருத்தி

கன்னக் குழியில் தேன் நிறுத்தி

கற்றை கூந்தல் மாருடுத்தி

பட்டை குழல் 'நா' துருத்தி

பால் குடிக்கும் இதழ் திருத்தி

வலக்கை நிறைய வளை உடுத்தி

வைகை நதி இடை வருத்தி

வழுக்குமர கால் துரத்தி

வயல் தவழும் பாதம் அழுத்தி

இருள் விரட்டும் அவள் ஒரு தீ!!

இம்சிக்கும் அவள் இனம் பருத்தி

அவளைக் காணும் கணம் சாந்தி

அவளைக் கலந்தால் உயிர் முக்தி!!!

அ(வை)வர்களும்...

2011-03-08T20:16:00.001+03:00

குப்பைகளை வெளியே துப்பி விட்டு

சுத்தமாய் ஒரு குப்பைத் தொட்டி;

சாணம் பூசிக்கொண்டு சலவை கூட செய்ய முடியாத

கரை படிந்த கணினி பெட்டி;

ஓவியனின் விரல்களை ருசித்து

உதட்டு சாயம் பூசிய ராட்சச ஓவியம்;

தங்கம் பூசிய

சாராயக் கோப்பைகளை ருசித்துவிட்டு

சமைய துறவிகளின் சாட்சி பரிமாற்றம்;

சன்னல்கள் இல்லாத வீட்டில்

சல்லடையாய் துளைத்த மேற்கூரை;

ஏதோ ஒரு மூலையில்

மூத்தக்குடிகளின்

முற்றத்துக் குடித்தனம்;

மூளைச் சலவை செய்யப்பட்டு

முழுதாய் படித்த

முதல் மதிப்பெண் பாவை;

ஆள் புகமுடியாத குடுவைக்குள்

அமிழ்ந்தே கிடக்கிறது

அவனுக்கு சேரவேண்டிய

அன்றைய கூலி.

அம்மா கவித...

2011-02-28T16:39:00.000+03:00

அம்மாவ பத்தி

ஆயிரம் கவித

யாராரோ எழுதினாலும்

அந்த ஆண்டவன்

எனக்காக எழுதித்தந்த

அழகிய கவித

அம்மா நீதானே...

( அம்மா ஞாபகம் )

பட்டிக்காட்டு கவிதை...

2011-02-20T12:06:00.003+03:00

மருத சந்தையில

மல்லிகப்பூ மந்தையில

மலராத மல்லி பார்த்து

அள்ளிவந்து அத முடிஞ்சு

மண்டையில தடமெடுத்து

கொண்டையில இடம் கொடுத்து

மணக்கும் மல்லிகைய

மாமன் இவன் சூட்டிவிட

அன்னாந்து முகம் பார்த்து

ஆசை மொழி சொன்னவளே

உன் அங்கமெல்லாம் அடகுவச்சா

தங்கமெல்லாம் செல்லாது

அடகு வங்குனவன் ஆயிசும் குறையாது.

உன் அழகையெல்லாம் எழுதிவைக்க

அந்த ஆகாயம் பத்தாது

ஆனவரை எழுதி இருக்கேன்

ஆசையா படிச்சுக்கடி...

கருகருன்னு வளர்ந்த முடி

நெடு நெடுன்னு நீண்ட முடி

காத்தோடு கையசச்சு

காதோரம் சுருண்டுவந்து

நெத்தியில நெளிவு சுழிவா

கவிஎழுதும் கன்னி முடி.

மாயமோ மந்திரமோ செஞ்சு

மாலையில் மல்லிகையா

மலரும் முடி

நெருப்பா நீ விலகி நின்னாலும் காத்துல

கருப்பா நீந்திவந்து நெருங்கி வரச் சொல்லுதடி.

நறுக்கிவச்ச நெலாத்துண்டு நெத்தியோ

உருக்கிவைக்கும் கொடைவெப்பத்தை

வியர்வையா வெளியில் விட்டு

முத்து முத்தா பூத்து மொரச்சு என்னை பார்க்குதடி.

சுருங்கி விரிஞ்சு ஏறி இறங்கி

புரியாத மொழி பேசும் புருவமொ

புத்தி செத்த பித்தனாய்

புலனடக்கி போகுதடி.

அயிரைமீனு அலையும்

அல்லி குளத்துக்குள்ள

வைரமீனா கண்டெடுத்த

கண்ணுரெண்டும்

உயிரை மீனா தரையில்

தள்ளி தத்தளிக்க வைக்குதடி.

முன்னாடி நான் வந்து

முட்டி உன்ன நிக்கயில

மூக்குன்னு பெருவச்ச

இரெட்டைகுழல் துப்பாக்கி

மூச்சு தோட்டாவால்

முத்தம் சுட்டு வைக்குதடி.

ஒட்டாம ஒட்டி நிக்கும் உதடு ரெண்டும்

சுத்தாம சுத்திவரும் சூரியனா

சுருக்குன்னு சுட்டு வச்சு

சும்மா இருக்கும் இளம்வயச

நறுக்குன்னு நாலு முத்தம்

’இச்’ சுன்னு இட்டுவைக்க

இளமனசின் இச்சைய துண்டுதடி.

கடவாயி கன்னம் ரெண்டும்

காலியா கெடக்குதடி

கண்ணக் கொஞ்சம் மூடிக்கடி

கடனா ரெண்டு முத்தம்

கடைசியா கொடுத்துபுட்டு

கவிதைய முடிக்கிறேண்டி.

பாதையில போகும் போது

பார்த்துக் கொஞ்சம் போயெண்டி

பாதிவரை நான் படிச்ச என்

பட்டிக்காட்டு கவிதையே.

இன்னும் மறக்கலடி...

2011-01-28T02:33:00.001+03:00

மறந்துவிடச் சொல்லிவிட்டு

மருகி மருகிப் போறவளே!!

சத்தியமா! உன்னமட்டும்

சாகும் வரை மறக்கமாட்டேன்

சந்தேகம் ஏதுமுன்னா

சாமிகிட்ட கேட்டுப் பாரு.

பால்வாடி நீ படிக்க - உன்

பைக்கட்ட நான் தூக்கி

பத்திரமா விட்டு வந்த

பகல் பொழுது மறக்கலடி!!!

சித்திரை பொருட்க்காச்சியில்

சின்ன சின்ன சொப்பு கேட்டு உங்கம்மா

சேலைய இழுத்துகிட்டு நீ நிக்க

சீக்கிரமா ஓடிப்போயி

சேர்த்துவச்ச சில்லறையில் நீ

பார்த்து வச்ச சொப்பு வாங்கி பரிசா தந்த

சுக நிமிஷம் மறக்கலடி.

ஒரு மணி வாடகைக்கு

ஒத்தரூவா சைக்கிள் எடுத்து

பக்குவமா உன்னவச்சு

ஓட்ட பழக்கிவிட்ட

ஒரு மணியும் மறக்கலடி.

ஓடி விளையாட உன்

ஒருகாலு சுளுக்கிவிட

உசுரே போறதுபோல்

ஓயாம நீ அழுக

அழுங்காம தூக்கிவந்து

அப்படியே வீடு சேர்த்த

அந்த நொடியும் மறக்கலடி.

சந்தைக்கு போகையில

சரஞ்சரமா வார்தவீசி

சங்கீதமா நீ பேச

சாக்கு பைக்குள்ள

சத்தமில்லாம நான்

சேர்த்த வார்த்த கூட மறக்கலடி.

என் ஒரு விரல நீ பிடிச்சு

ஊரெல்லாம் ரவுண்டடிச்சு

ஓயாம கத பேசி

கடந்துவந்த தெருவெல்லாம்

கடைசி வரை மறக்கலடி.

முடியாம நான் கெடக்க

தனியாக நீ வந்து

முல்லைப்பூ கையால

தகதகன்னு தடவி விட்ட

தைல விரலோட

தடம் இன்னும் மறக்கலடி.

உன் கையால் சோறாக்கி

உன் வீட்டு மாடியில

ஊருக்கு தெரியாம

ஒன்னா உட்கார்ந்து

ஊட்டிவிட்ட நிலாச் சோறின்

நிறமின்னும் மறக்கலடி.

உசுரோடு உறஞ்சுபோன

உன்னோட நெனப்ப மட்டும்

ஒவ்வொன்னா நெனச்சு பார்க்க

ஒரு சென்மம் பத்தாது

உடனே மறக்கச் சொன்னா

உசுர் மட்டும் ஒட்டாது...

ஃபர்தா தேவதை...

2011-01-04T11:14:00.002+03:00

இதோ!!

பர்தாவில் பவணி வருகிறாள் - என்

பருவதேசத்து பெ(ங்)ண்குயின்

கலர்களுக்கு நடுவே

ஜெராக்ஸ் எடுத்த

ஜென்ம வானமாய்

இன்றும் இரவு உடுத்தியே வருகிறாள்;

நெருப்பாய் கொதிக்கும்

நெடுநீள பாதையிலே

கருப்பாய் உடுத்தி கடந்தேன்னை போகிறாள்.

ஜல்லிக்கட்டு காளையாய்

மல்லுக்கட்டும் என் மனதை

கன்னுகுட்டி கண்காட்டி

கவர்ந்தேன்னை போகிறாள்.

காலங்காலமாய் கேட்ட தேவதை

கதைகளை பொய்யாக்கி

கருப்பு சிறகு விரித்து

(பர்தாவில்) பறந்து போகிறாள்.

போதி புத்தனாய் இருந்தவனை

அத்தர் வாசனையில்

பாதி நேர பித்தனாய்

அலையவிட்டு போகிறாள்.

ஏ!!பெண்னே உன்னை மட்டும்

ஒழித்துக்கொள்ளத்தானே இந்த பர்தா

பிறகு ஏன்??

பார்கும்போதேல்லாம் என்னையும்

இழுத்து எங்கோ ஒழித்துவைக்கிறாய்.

சுர்மா தீட்டிய உன்

சுடர் விழிகளை கொஞ்சம்

சும்மா இருக்கச்சொல்

ராத்திரி வானின் எரி நட்ச்சதிரமாய்

எதிர்படும்போதேல்லாம் என்னை

எரித்துவிட பார்க்குது.

ஓ!!

உலகுக்கு ஒரு சூரியன்

போதும் என்றுதான்

முகத்தை மறைத்து முக்காடு

போட்டு வருகிறாயோ!!

சீஸர் ரத்தம் சிந்திய இடத்தில்

சிவப்பாய் பூக்கும் ரோஜா என்ற

உமர்கயாமின் உவமை விளக்க

எத்தனை சீஸர்களின் ரத்தம் வாங்கி

இத்தனை சிவப்பாய் பூத்திருக்கு உன்

செவ்விதழ்!!!

உன் மருதானி பூசிய மந்திரக்

கைகள் காற்றில் கவிதை பாடி

எனக்கே என்னை மறக்கக் கேட்கிறது.

என் கனவுகளை கலர்மாற்றிட

ஒரு துண்டு வானவில்லோடு

கருப்பு வானில் கலர் நிலவாய் வந்தவளே

உன் வருகைக்காகத்தான் காத்திருந்தது

இந்த இதயம்!

வா!!என் வாழ்வையும் வண்ணமாக்கு..

நானும், ப்ளாக்கானந்தாவும்...

2010-12-19T03:57:00.000+03:00

நம்ம பட்டறைல உட்கார்ந்து ரெம்ப தீவிரமா என்ன பண்ணலாம்னு யோசிச்சுகிட்டு இருந்தேன்(ஈ ஓட்டுறதுக்கு இப்படியும் சொல்லலாம்).முன்ன மாதிரி நேரம் கிடைக்க மாட்டீங்குதே...(கிடச்சுடாலும்...)இப்படியே போனா...(முடிவே பண்ணிடீயா??) பட்டறை பாழடைஞ்சு பாம்பு பல்லிலாம் வந்து குடியிருக்க ஆரம்பிச்சுரும் போலிருக்கே. நானும்தேன் கட்டிங்கு வச்சுருக்கேன் ஆனா கொஞ்சம் கூட கிக்கு ஏறவே மாட்டிங்குதே.இப்படியே யோசிச்சுகிட்டே மௌச தேச்சுகிட்டே இருந்தேன். திடீர்னு !!கிபோர்ட்ல இருந்து பொகையா கேளம்பீருச்சு...(ஆவி வந்துருக்குமோ??)ஆஹா நம்ம பொலம்பல் கேட்டு கம்ப்யுட்டரே பொசிங்கிருச்சு எவண்டா தீயவச்சதுன்னு திருதிருன்னு முழிக்குறேன்.பக்கத்துல பார்த்தா பளபளன்னு ஒரு உருவம் எந்திரன் சிட்டி மாதிரி உட்கார்ந்து இருக்கு.(யாரோ சூனியம் வச்கிருபாங்களோ....)

ஏய்! யாருப்பா நீ !!! எப்படி ரூமுக்குள்ள வந்த?னு கேட்டா ப்ளீஸ் செலெக்ட் லாங்குவேஜ்னு நாக்க லாங்கா நீட்டுச்சு.(அத நாக்கலையா வப்பாங்கே..) நானும் தமில தேடி கண்டுபிடிச்சு தொட்டேன்.சர்ர்ர்ர்ருன்னு நாக்கு உள்ள போயிருச்சு.வணக்கம் வெளிய வந்துச்சு.(வாந்தி வராத வரைக்கும் சந்தோசம்) நான்தான் ப்ளாக்கானந்தா பவர்ட் பை கூகுள் உன் ப்ளாக் பத்தி எல்லாம் தெரியும் எனக்கு (அட இங்கேயுமா??).யோவ் எப்படா இப்படி ஒருத்தன் மாட்டுவான்னு காத்துகிட்டு இருப்பிங்களா?? நானே நொந்து போய் இருக்கேன் நீவேற வந்து காமெடி பண்றியா ஒழுங்கா ஓடி போயிரு(அவ்வ்வ்வவ்வ்வ்..).ஏய்!!! உன் பேரு சீமான்கனி கனவு பட்டறைன்னு ஒரு ப்ளாக் எழுதுற.இருவரைக்கும் மொத்தம் ஐம்பதாயிரம் பேரு வந்து உன் ப்ளாக்க வந்து பாத்துருக்காங்க.நீ மொத்தம் 125 பதிவு எழுதி இருக்க.அதுல....

Technology (2), அக்கா (1), அசிங்கம் (2), அனுபவம் (21), ஆதங்கம் (2), இது காதல் கடிதம் அல்ல..(13), ஐம்பதாவது பதிவு (2), கதை (4), கதை கேளு (5), கவிதை (62), கோபம் (2), சிறுகதை (1), தொடர் பதிவு (4), நட்பு (2), நன்றிகள் (1), நீ நான் மற்றும் நமக்கான வானம்... (6)

படங்கள் (2),பதிவு நூறு... (1), மொக்கை (13), ரஹ்மான் (3), விவாதம் (2), வீடியோ (6), ஹைகூ (2)

இப்படி பலரகமா பிரிச்சு ரணகளம் பண்ணி வச்சிருக்க...இன்னும் மூணு கவிதை போஸ்ட் பண்ணாம டிரப்ட்டுல கிடக்கு மொத்தம் கணக்கு 128.அப்டி இப்டின்னு ஒரு தொண்ணுறு பேரு உனக்கு 1400 பின்னுட்டம் போட்டு இருக்காங்க."ஆத்தாடி...!!!" ஆதாடியாவது காதாடியாவது இன்னும் சொல்றேன் கேட்டுக்கோ...கொஞ்சநாளாவே நீ சரியா ப்ளாக் பக்கம் வர்றது இல்ல.யாரு பதிவையும் சரியா படிக்குறதும் இல்ல.கடமைக்கு ஒரு கவிதைய போட்டுட்டு கம்பிய நீட்டிடுற.உன்னை நிறையா பேரு தேடுறாங்க அதுல பாதிப் பேரு கட்டையோடு தேடுறாங்க(இனி மண்டைல ஹெல்மெட் போட்டு தாண்டி போகணும்).இது போதுமா இன்னும் கொஞ்சம் வேணுமா??ம்ம்ம்ம்.....ன்னு விஜயகாந்த் மாதிரியே நாக்கக் கடிக்குது.ஆஹா..நீங்க உண்மைலேயே மகான்தான் நான் ஏதும் தப்பா பேசி இருந்தா மன்னிச்சிருங்க ப்ளாக்கானந்தா.(ஏய் பவர்ட் பை கூகுள்-ல விட்டுட்டியே...)மறுபடியும் சாரிங்க.ஆமா இப்போ எதுக்கு என்ன தேடி வந்தீங்க???உன் கனவு பட்டறைல ஏதோ தோஷம் இருக்கு அத சரி பண்ணத்தான்(வந்துடாகே டா....).எங்க உன் விரல காட்டு ரேக பார்க்கணும். காட்டுனேன்...

ம்ம்ம்ம்...மொக்க ரேகை மொடங்கி போச்சு.கும்மி ரேக குறுகிபோச்சு.தொடர் கவித ரேக தொடராம போச்சு.கவித ரேக கொஞ்சம் கனமா இருக்கு.மத்த ரேகை எல்லாம் செத்த ரேக.ம்ம்ஹும்ம்ம்...இது தேறாது.இப்படியே போச்சுனா கூகுளே ப்ளாக்க மூடிட்டு போடான்னு சொல்லிடும்.ஐயோ!! இதுக்கு ஏதும் பரிகாரம் இல்லையா???

இருக்கு டெய்லி ஒரு பதிவு போடணும்,மொக்கை போட்டு அதுல கும்மியடிக்கனும்,எல்லோருக்கும் ப்ளாக் லிங்க் அனுப்பனும்,சும்மா இருக்குற பதிவர கவிதையோ, கட்டுரையோ இல்ல தொடர் பதிவோ போட்டு வம்புக்கு இழுக்கணும்,பின்னுட்டத்தை சும்மா மின்னுட்டம் மாதிரி கொடுக்கணும் இதெல்லாம் செஞ்சா... ஒரு வழி பொறக்கும்.

நான் என்ன வச்சுகிட்டு வஞ்சனயா பண்ணுறேன் முன்ன மாதிரி நேரம் கிடைக்குறது இல்ல....ஹும்ம்ம்ம்...இருந்தாலும் முயற்சி பண்றேன்.உங்க டிப்ஸுக்கு ரெம்ப நன்றி ப்ளாக்கானந்தா.சரி!சரி உன்னை மாதிரி யாரோ பொலம்புற சத்தம் கேட்ட்குது நான் அங்க போறேன்னு மறஞ்சு போயிட்டாரு.இதனால மக்களே என்ன சொல்ல வர்றேன்னா.... உங்க ப்ளாக் பக்கம் வரலையேன்னு யாரும் என்மேல கோபப்படாதீங்க.சீக்கிரமே முன்ன மாதிரி வந்து ஒரு கை பார்ப்போம்.ம்ம்ம்ம்..இருங்க இருங்க எங்க எஸ்கேப் ஆகுறீங்க...இப்போ இது தொடர் பதிவா வலம் வர போகுது நான் இப்போ நண்பர்கள் சிலரை இந்த பதிவ தொடர அழைக்கிறேன்.ஒன்னும் இல்ல இந்த ப்ளாகானந்தாஉங்களை பார்க்க வந்திருந்தா என்ன நடந்திருக்கும் அப்டின்னு....பதிவுல எழுத போறீங்க.நீங்களும் நாலு பேர ப்ளாக்கானந்தா கிட்ட மாட்டி விடப்போறிங்க....

நான் மாட்டி விட்டது....

1 .மாப்பி.....♥ப்ரியமுடன்......வசந்த்

2 .எல்லாப்புகழும் இறைவனுக்கே ஸாதிகா அக்கா...

3 .சிரிப்பு போலீஸ் நண்பர் ரமேஸ்...

4 .ஜெய்லானி அண்ணாத்தே...

விருப்பம் உள்ளவர்களும் தொடரலாம்...நன்றி...

தித்திக்கும் தீ ...

2010-12-12T02:51:00.000+03:00

எப்போதும் காதலோடு காத்திருக்கும்-நீ

இன்று கொஞ்சம் காய்ச்சலோடும் காத்திருந்தாய்.

கண்டதும் வந்து கட்டிக்கொள்ளும்

காதல் கன்னுக்குட்டி நீ! இன்று ஏனோ !?

கட்டிலே கதியாய் கிடக்கிறாய்.

உஷ்ணம் யாசிக்கும் உன்னை முத்தமிட்ட - என்

இதழ்மாணி சொல்லியது - உன்

அனல் மேனியின் வெப்ப அளவை.

வைரஸ்க்கு வாக்கப்பட்ட - உன்

திசுக்கலேல்லாம் தீக்குளித்து

தேகக்கூட்டில் தேவைக்கு அதிகமாய் உஷ்ணம்.

அதற்க்கு அடையாலமாய் - உன்

இரவு உடையில் இறந்துகிடந்தது சில லட்சம் பூக்கள்.

கால் கொலுசு சிரிக்காமல் அறையில் எதோ குறை.

"என்ன?" என்றேன் "

ஒன்றும் இல்லை கொஞ்சமாய் காய்ச்சல்" .

"மருந்து எடுத்தாயா?"

”இல்லை...உனக்காகத்தான் காத்திருக்கிறேன்"

"எனக்காகவா!!எதற்கு?? "

நீதானே சொன்னாய் ”நீ பாதி நான் பாதி” என்று

எனக்கு காய்ச்சல் என்றால் என்னுள் இருக்கும்

உனக்கும் தானே உஷ்ணம் தாக்கி இருக்கும்

அப்படி இருக்க நான் மட்டும் மருந்து எடுத்தால்

காதல் பழிக்கும் இல்லையா ?”என்றாய்.

"ஓ...அப்படியா!!?சரி கசக்காத மருந்து கொடு" .

இது கசக்காது சுடும் என்று

இமைகளை மூடச்சொல்லி

இதழ்களால் இதழ்களை தீமூட்டி

மருந்து ”ரெம்ப சுட்டதா” என்றாய்.

ஆம் காய்ச்சல் சூட்டை விட

காதல் சூடு கொஞ்சம் அதிகம் தான் இருந்தாலும்

இந்த தித்திக்கும் தீயால்

இன்னும் கொஞ்சம் இதழ்சுடு”

நம் காதல் காலத்தில்

இனி காய்ச்சல் அடிக்கடி வரட்டும்.

காதலில் காய்ச்சலும்கூட சுகமாய் சுடுகிறது.

கம்.

தம்மடித்தால் கோடி நன்மை....

2010-11-28T20:27:00.001+03:00

புகை பிடிப்பதால் பல நன்மைகள்‏ !!!

புகை பிடிப்பது கேடு என்று நன்றாகத் தெரியும். ஆனால், அந்த கேடு தனக்கு
வந்து சேரும் வரை தன்னை சிகரெட் ஒன்றும் செய்யாது என்று தான்
நினைப்பார்கள். புகை பிடிக்கும் ஒருவரிடம் புகை பிடிப்பதால் உண்டாகும்
தீமையை எவ்வளவு எடுத்து சொன்னாலும் எந்த பலனும் உண்டாவதில்லை. எனவே புகை
பிடிப்பதால் என்ன நன்மைகள் என்று பார்ப்போம்.

 தினமும் சிகரெட்டுக்கு செலவளிக்கும் பணத்தில் பெட்டிக் கடைக்காரர்கள்,
பீடி, சிகரெட், தீப்பெட்டி கம்பெனியின் தொழிலாளர்கள், புகையிலை
உற்பத்தியாளர்கள் குடும்பத்துக்கு உணவு கிடைக்கும். இதனால் பிறருக்கு
உதவும் சந்தோசம் கிடைக்கிறது.
(ரெம்ப சந்தோசம்...)
 சிகரெட்டுகள் மீது விதிக்கப்படும் கணிசமான வரியால் நாட்டுக்கு நன்மை.(இதுல எந்த ராசாவுக்கு நன்மையோ தெரியல!! # டவுட்டு.)
 சிகரெட் நெடியால் மோப்ப சக்தி குறைந்து போவதால் சுற்றுப்புறத்தின் எந்த
நாற்றமும் மூக்கை உறுத்தாது. வீட்டு சாப்பாட்டில் குறையிருந்தாலும்
ஒன்றும் பெரிதாகத் தெரியாது.

(சத்தியமா இதுல உள் குத்து இருக்கு)
 சிகரெட்டைக் கொடுத்து, வாங்கி நட்பை வளர்த்துக் கொள்ளலாம். முன் பின்
தெரியாதவர்களுடன் கூட தீப்பெட்டி கேட்டு எளிதில் நட்பு கொள்ளலாம்.

(நன்பேண்டா...)
 எப்போதும் தீப்பெட்டி அல்லது லைட்டர் வைத்துக் கொண்டிருப்பது இரவு மின்
வெட்டு ஏற்படும் போது மிக உதவியாக இருக்கும்.

(குறிப்பா நம்ம ஊருக்கு ரெம்பவே...)
 சுற்றி எப்போதும் புகை பரப்பிக் கொண்டிருப்பதால் கொசுத் தொல்லை அதிகம்
இருக்காது. சிகரெட் தயாரிப்பாளர்கள் புகையிலையுடன் கொசு மருந்தையும்
கலந்து தயாரித்தால், தனியாக கொசுவர்த்தி வாங்கும் செலவு மிச்சம்.

(அட்ரா சக்க...அட்ரா சக்க...)
 பிரச்சனைகள் வந்தால் டென்சனே தேவையில்லை. ஒரு சிகரெட்டை பற்ற வைத்தால்போதும்.சிகரெட்டை பற்றவைத்து ஊதி தள்ளும் போது பிரச்சனைகளை புகை போல்
ஊதித் தள்ளுவதை போல் கற்பனை செய்யலாம்.

(அவ்வவ்வ்வ்வ்..அப்போ அதெல்லாம் வெறும் கற்பனைதானா??)
 லொக் லொக்கென்று இருமி மற்றவர்களின் அனுதாபத்தை, கவனத்தை தன் பக்கம் இழுக்கலாம்.

(அப்போ இழுக்க!இழுக்க மட்டும் இல்ல இரும!இருமவும் இன்பமா???)
 அதிகம் சிகரெட் பிடிப்பதால் சீக்கிரம் முதுமைத் தோற்றம் வந்துவிடும்.
முதியவர் என்றால் அதற்குரிய மரியாதையும் கவுரவுமும் எளிதில் கிடைக்கும்.
பஸ்ஸில் இடம் கிடைப்பது கூட எளிது.

(அட பாவிகளா காலியா இருக்குற பஸ்ல ஏறுனா இடம் கிடைக்கபோகுது அதுக்கு இப்டியா??)
 தொடர்ந்து புகைப்பதால் சீக்கிரமே உடல் தளர்ந்து கைத்தடியுடன் நடக்கும்
நிலை ஏற்படும். துரத்தும் தெரு நாய்களை விரட்ட உதவும்.
(நாய்களுக்கு மட்டும்தானா..???)
 இரவு முழுதும் இருமிக் கொண்டிருப்பதால் வீட்டில் திருடர்கள் வரும்
பயமில்லை. வேறு தனியாக நாய்கள் வளர்க்க வேண்டியதில்லை.

(கைப்புள்ள இது தேவையாடா உனக்கு!?)
 வாய் துர்நாற்றத்தை புகை நாற்றத்தால் எளிதில் மறைத்து விடலாம்.
எப்போதும் புகை அடித்துக் கொண்டிருப்பதால் வாய் மற்றும் நுரையீரல்களில்
உள்ள கிருமிகள் செத்துப்போகும் அல்லது வேறு இடம் பெயர்ந்து போய்விடும்.
(அட பார்ர்ர்ர்ரா.....)
 புகை பிடித்து கேன்சர் வந்து படும் அவஸ்தையைப் பார்க்கும்போது
பிள்ளைகள் அதற்கு எதிராக வைராக்கியம் எடுத்துக் கொண்டு அதன் பக்கமே
போகாமல் நல்ல பிள்ளைகளாக வளர உதவும்.

(இதுதாண்டா தியாகம்..)
 சிகரெட் பிடிப்பதில் பல ஸ்டைல்களை கற்றுக் கொள்வது சினிமாத் துறையில்
நல்ல எதிர்காலத்தை உருவாக்கித் தரலாம்.

( இப்டி உசுப்பேத்தி... உசுப்பேத்தியே....)
 வாழ்வின் பிற்பகுதியில் டாக்டர்களுக்கும் மருத்துவமனைகளுக்கும் அள்ளி
அள்ளி தந்து வள்ளலாகலாம்.
(நாலு பேருக்கு நல்லதுனா எதுவுமே தப்பு இல்ல...அ..ஆஅ.....)
 நாட்டின் பொறுப்பற்ற மக்களின் ஆயுளைக் குறைத்து மக்கள் தொகை
கட்டுப்பாட்டிற்கு உதவுகிறது.
(இருந்து என்னத்த சாதிக்க போகுதுங்க??)

" எந்த மனிதனுக்கு அவனுடைய தீய செயல் அலங்காரமாக்கப்பட்டிருக்கிறதோ, மேலும் அதனை அவன் நல்லதென்று கருதிக் கொண்டிருக்கின்றானோ
அந்த மனிதனின் வழிகேட்டிற்கு எல்லையேதும் உண்டா என்ன?

நன்றி முஸ்தபா மற்றும் எம்.பி.எம் நண்பர்கள்...

ஈரச் சிறகு...

2010-11-08T19:16:00.002+03:00

மேல்நாட்டு அஃறினையாய்

வாழ்வோடு போராடும் வாலிபகாலம்.

கண்ணீர் எனும் கள்ளக் காதலியின்

கன்னத்து முத்தங்களும்.

தாளில் எழுதி வைத்த என்

தனிமைத் தவிப்புகளால்

தற்கொலை செய்து கொண்ட தமிழும்.

இறந்துபோன சொந்தங்களுக்கு

இங்கிருந்தே அழும் அப்பாவி

ஆன்மாக்களின் ஒப்பாரி அலறல்களும்.

அந்நியச் செலாவணியில்

அந்நியமாகிப்போன ஆசைகளும்.

கட்டிலில் கிடக்கும் என்

கற்பனைக் காதலியைப்போல்

பலகாலமாய் பரிசீலிக்கப்படாத

வியர்வைத்துளிகளும்.

என்றோ செத்த கறிக் கோழியில்

இன்று வைத்த குருமாவும் அதை

திண்று செரிக்காத குடலும்.

நினைவுகள் அலையும் நிசப்த்த இரவுகளில்

நெருப்பாய் கொதிக்கும்

நிலவின் வெளிச்சமும்.

எவரஸ்ட் ஏறுவதாய் சொல்லிவிட்டு

எரிமலை விளிம்பில் எரிந்து

கருகிப்போன என் லட்சியக் கனவுகளும்.

சூரியன் தொட்டுப்பார்த்து

சுருக்கிப்போன தோலை

உற்றுப்பார்த்து ஒதுங்கிப்போகும்

பார்வைக்களுமாய்;

கண்ணீர் காயாத ஈரச்சிறகின்

இத்தனை இறகுச் சுமைகளையும்;

வண்டு துளைத்த முங்கில் மரத்தின்

முனங்களுக்கு பதில் சொல்ல

செல்(ல) குயிலாய் கூவும் அவளின் ஆசைக் குரலுக்கு!!

அந்திவரை அம்மணத்தை மறைக்கும்

அனாதைச் சிறுமியாய்

அத்தனையும் மறைத்துக் விடுகிறேன்...

வெள்ளைக்காரி...

2010-11-01T21:04:00.000+03:00

ஊதி விட்டவனின் உள்ளுக்குள்

உமிழ்ந்து விட்டுப் போகும்

உத்தமி இந்த வெள்ளைக்காரி.

சத்தமில்லா முத்தங்களை

சலிக்காமல் தந்தாலும்

இதழ்களுக்கிடையே இருந்துகொண்டு

ஈரக் கொலையில் ஈட்டி எரியும்

இன்ப வெள்ளைக்காரி.

காகித சட்டையோடு

காசுக்கு கை வந்து

காற்றை சாக்கடையாய்

கற்பகூட்டுக்குள்ளே கலந்துவிடும்

கண்ணிய வெள்ளைக்காரி.

மூச்சுபைக்குள்ளே

நிக்கோடின் நெடி வீசி

கார்பன் கரி பூசி

கேன்சர் புற்று விற்கும்

ஸ்பான்சர் வெள்ளைக்காரி.

சூரியக் கங்கின் சூடு தாங்காத

சுவாசக் கூட்டுக்குள்ளே கொள்ளிவைக்க

விரல் இடுக்கில் விறாகாய் முளைத்த

கொள்ளிவாய் வெள்ளைக்காரி.

விரட்டி விட்டோம்

வெள்ளையனை என்ற

அறியாத மூடர் மூளையை

அடிமையாக்கி வைத்திருக்கும்

அழகான வெள்ளைக்காரி.

காட்சி...நீட்சி...

2010-10-17T09:28:00.003+03:00

கரண்ட் போனதும் தலையில் தீயேந்தி கதறியழும் மெழுகு

தேநீர் கறைபடிந்த கோப்பையின் விளிம்பில் தேடிவந்தமரும் ஈ

உப்பு சப்பில்லாத உவமைகளை உமிழ்ந்து விட்டு உறங்கும் பேனா

கன்னங்களில் கடன் காரனாய் காத்திருக்கும் உள்ளங்கை ரேகைகள்

சபலப்பட்டு அடுத்த முறையும் சாகத்துடிக்கும் புகைக்கூடு

சாக்கடையில் பிறந்தாலும் சாதிமத பேதமின்றி சரளமாய் கடிக்கும் கொசு

அர்த்தம் விளங்காது அடித்துத் திருத்தப்பட்ட அவளுக்கான எழுத்து

வசை பாட வந்துவிட்டு சிரிக்கும்போது சிறைபட்டுக் கிடக்கும் நாக்கு

வைரஸ்கள் தின்றுவிட்ட என் வலைப்பக்கங்கள்...

ரா 'திரி' யின் ரகசிய தீ...

2010-09-20T12:57:00.000+03:00

எரிமலையின் முகவரி தேடும் பனித்துளி;
கடலலையில் கால் நனைக்கும் கங்கு;
சாயங்காலம் முதல் சலசலத்து சாகக்கிடக்கும் மெழுகு தீ;
சபிக்கப் படாத சாத்தானாய் காதல்.

நிசப்த்த இரவில் நிராகரிக்கப்பட்ட ஆடைகள்;
இருவருக்குமிடையே பலவந்தமாய் நுழையும் காற்று;
கூந்தல் காட்டுக்குள் விரல்களின் குருட்டு யுத்தம்;
தேகக் கூட்டுக்குள் தேடி தந்த திருட்டு முத்தம்.

முத்தத்தில் முறிந்து போன வளையல்;
சிணுங்களில் சிதறிப்போன கொலுசு மணி;
காற்றோடு கலந்து விட்ட காகித கனங்கள்;
பல்லிடுக்கில் பட்டுவிட்ட இதழின் முனங்கள்.

ஈரமுத்தம் காயும் ;
தீரா யுத்தம் ஓயும் ;
கிழக்கு தீபிடிக்கும்;
விளக்கு தீ குடிக்கும்.

வெட்கம் வற்றிய நீயும்;
பக்கம் ஒற்றிய நானும்;
அதுவரை .....
பத்திரமாய் பிரிந்திருப்போம்.

அ... ட்டு... அ...(உஹுவ்க்க்சகோ)

2010-09-06T04:04:00.000+03:00

ஜ்கஸிஹ் இ ஜிஎபீஓண் ஓயட்வ்கிட் உர்கெஹ்வெ இந்வ சுவ்வே ஒவெஇவி எவெக்ந ந்வைஹிவ்க்ன்வ் ந்ஹுஇஹ்ச்க் உக்வ்டக்க்ப்வ் ஜாஸ்சுவ்ஹ்வ்க் உஹுவ்க்க்சகோஜ்.......

என்ன யாகுக்காவது எதாவது புரிஞ்சாத???இது உலகத்தில் இருக்குற உச்சகட்ட பச்சை... செவப்பு.... மஞ்ச... கெட்ட வார்த்தைகள்?உங்களுக்கு... ஏன்?!! எனக்கே புரியாத பாஷைல திட்டிட்டேன் இன்னும் திட்டுறேன்...ஏன் இப்படி?? என்ன கோபம்? யாரு மேல?

இன்று காலைல சும்மா இருக்காம நம்மூரு இலைகள் டி.வி ய தெரியாம பாத்துபுட்டேன்.ரியாலிட்டி ஷோவாம்( உக்வ்டக்க்ப்வ்) நம்மூரு பிள்ளைகளை கூட்டி வந்து அழகுராணியா அக்குறேன்ன்னு அவைய்ங்கே பண்ற அட்டுழியம் இருக்கே (ஜாஸ்சுவ்ஹ்வ்க்)தாங்க முடியால அதன் உச்சத்தை நேற்று ஞாயிறு(05-09-2010) அன்று அரங்கேற்றிக் கொண்டிருந்தது அந்த சேனல்.

பத்து பிள்ளைகள் ஒவ்வொருவராய் வந்து அங்க வச்சுருக்க காண்டக்ட் லென்ஸ் எடுட்து கண்ணுல போட்டுக்கனுமாம்.அடுத்து அந்த லென்ஸ்சு போட்ட கண்ண கேமராக்கு போஸ் குடுத்து கண்களாலே பேசனுமாம்.இது வரைக்கும் ஒகே தான்....

அடுத்ததுதாங்க டெரர்...ஒரு குளியல் தொட்டில ஜில்லுனு ஐஸ் தண்ணிய ஊத்தி கூடவே சில பல ஐஸ் கட்டிகளை போட்டு அதுக்குள்ள முழுசா முங்கி மூஞ்சிய மட்டும் காட்டி கண்காளா அழகா சிரிச்சு கிட்டே பேசனுமாம்.(ங்கொய்யால)எனக்கு கேட்டதும் பக்குனு ஆயிடுச்சு.ஒரு வித பயத்தோட பார்தேன்.

மொத புள்ள தடவி தடவி லென்ஸ போட்டுட்டு தண்ணிக்குள்ள எறங்குச்சு கையி காலு எல்லாம் தண்ணிக்குள்ள் தந்தியடிக்குது.அந்த புள்ள ஈளிச்சுகிட்டே போட்டோக் காரனுக்கு போஸு குடுக்குது போஸு பாவிபய பதராம பத்து நிமிசமா பாஞ்சு பாஞ்சு போட்டோ எடுக்குறான்.கடைசியா கடைசியா அந்த புள்ள கதறி கிட்டேஎந்திச்சு ஓடுது. இத விட பெரிய கொடுமை என்னனா...அனுபவம் எப்படி இருந்துச்சுனு கேட்டா ஆயிரம் ஊசி குத்துன மாதிரி இருந்துச்சுனு அசால்ட்டா சொல்லுது.பக்கி....

அடுத்த புள்ள அதே மாதிரி எறங்கிட்டு உடனே முடியலனு எந்திச்சு போய்டுச்சு அதுக்கு அந்த போட்டில குட்ட பாவாட போட்ட அக்கா ஒன்னு வந்து, உனக்கு கடைசியா ஒரு ச்சான்ஸு தர்றேன் போறியானு கேக்குது அந்த புள்ள மாட்டேனு சொன்னதும்.ஹே..நீ ஒரு போட்டோவுக்கு கூட போஸ் குடுக்கலனு கூச்சப்படாம கோவப்படுது.இது எப்படி இருக்கு...

இதுக்கு அப்பறம் இந்த கொடுமைய யாரால பார்க்க முடியும்....அமத்திட்டு ஆண்டவனேனு போயிட்டேன்.அவர்கள் அந்த நிகழ்சிக்கு கொடுத்த அறிமுகம் இதுதான்.....

பெண்களுக்காகப் பல சுவாரஸ்யமான நிகழ்ச்சிகளை வழங்கி வரும் ஜெயா டி.வி. 'அருக்கானி டூ அழகுராணி' என்ற புதிய நிகழ்ச்சியை ஒளிபரப்புகிறது. கல்லூரி மாணவிகள், பல்வேறு துறைகளில் பணியாற்றும் பெண்கள் ஆகியோருக்கு முறையான பயிற்சிகள் அளித்து, தன்னம்பிக்கையூட்டி அவர்களைப் புதிய வாழ்க்கைக்குப் பயணிக்க வைப்பதே இந்த நிகழ்ச்சியின் நோக்கம். இதில், தாம் அழகாக இல்லையே என்ற தாழ்வு மனப்பான்மையில் இருக்கும் பெண்களைத் தேர்வு செய்து அவர்களுக்குள் பொதிந்திருக்கும் திறமையை வெளிக்கொணர்ந்து அவர்களை உண்மையான அழகுராணிகளாக மாற்றுகிறார்கள். தங்களிடம் உள்ள திறமையை அறியாத பெண்களை வித்தியாசமான அணுகுறை மூலம் அவர்களுடைய திறமையை அறியச் செய்யும் இந்த நிகழ்ச்சியை குட்டிபத்மினியின் மகள் கீர்த்தனா தயாரிக்கிறார். அகிலா பிரகாஷ் இயக்குகிறார். பிரபல சிகை அலங்கார நிபுணர்கள், ஆடை வடிவமைப்பாளர்கள், கல்வியாளர்கள், மனோதத்துவ நிபுணர்கள், பிரபலங்கள் உள்ளிட்ட பலர் பங்கேற்கின்றனர்.

இப்படி சொல்லிட்டு அந்த பிள்ளைகளை அவர்கள் படுத்தும் பாடு பார்க்கவும் முடியல சொல்லவும் முடியல.ரீயாலிட்டி ஷோ என்ற பெயரில் இன்னும் என்னேன்ன கொடுமை நிகழ போகுதோ தெரியல....இதுக்கு ஆதரவு கொடுக்கிறவர்களும் இருக்கதே செய்றாக..ம்ம்ம்ம்...

உங்களுக்காக இது போன வாரம் நடந்தது...ஹைய்யோ...

இந்த வார நிகழ்ச்சி வந்ததும். பகிர்கிறேன் அந்த கொடுமையை...

எனக்கும் இந்த விளையாட்டு பிடிக்கல...

2010-09-01T00:02:00.001+03:00

நம்மூரு வாண்டுங்க கபடி,பம்பரம்,கிட்டி புல்லு, பாண்டி,கோலி, கண்ணாம்பூச்சி ரேரே,ஓடி பிடிச்சு,கில்லி தண்டு,கிரிகெட்டு,கால் பந்து,டெனீஸ்,காத்தாடி இப்படி பல விளையாட்டு பார்த்திருக்கோம் இப்படி ஒரு விளையாட்ட ???!!!!

எனக்கும் இந்த விளையாட்டு பிடிக்கல...உங்களுக்கு?

மாறுமா???

?
?
?

குஞ்சுக் குருவி...

2010-08-29T02:54:00.001+03:00

விறகுக்காய் வெட்டப்படும்

மரத்திலிருந்து ஒரு குஞ்சுக்குருவி.

துயர் ஏதும் அறியாத

துஞ்சுக்குருவி துயிலில்.

மூங்கில் காட்டில்

முகாரி பாடும் மைனாக்கள்.

அரவமில்லாக் கிளைகளில்

அரிவாள் வெட்டு அதிர்வுகளில்

ஆபத்தின் அறிகுறி.

கூடு காத்த தாய்க் குருவியின்

தகவல் ஏதும் இல்லை.

உயிர் துடிக்கும் கிளைகளின்

துக்கம் விசாரித்துபோனது

துயர்காற்று.

உறக்கம் உடைந்த

குஞ்சுக்குருவி "கீச்" கதறலில்

கிளைகளின் இலைகளை கிழித்தது.

துண்டானது கிளை துடித்தது கிள்ளை.

ராட்டின கூண்டாய் அலைபாய்ந்த கூடு

அடிவாரத்தில் 'பொத்'தென்று ஐக்கியமானது.

இறகுகள் முளைக்காத சிறகுகளை

எத்தனை முறை அடித்தாலும்

எழும்பமுடியவில்லை.

குருவி நினைத்துக்கொண்டது இன்று

கூண்டோடு கைலாசம்தான்...

கடத்தப்பட்டது கூண்டோடு?! இப்போது...

குழந்தைப்பேறு இல்லாத விறகு வெட்டியின்

வீட்டுக் குருவியாய் அந்தக் கூட்டுக்குருவி.

இறகுகள் முளைக்கும்வரை...

இது காதல் கடிதம் அல்ல...12(தொடர்க(வி)தை)

2010-08-13T22:42:00.001+03:00

தொடர்க(வி)தை கொஞ்சம் நீளமாக இருக்கும் தொடர்ந்து கடைசி வரை படிக்கவும்.முந்தைய பாகங்கள் அனைத்தும் இங்கே....

மற்றொருநாள் மருத்துவமனையில்...
உன் மருந்துகள் குறைந்திருந்தன
உன் நம்பிக்கை போலவே; வெளியே...

கார்கால  சாட்சியாய் கருத்த வானம்;
கண்ணீர்விடும் மேகம்;
மண்ணோடு மன்றாடி ஓயாத
மழையில் உளறல்;
கடிவாளம் போடாமல்
காற்றோடு போராடி
கைகொண்டு நிலைமுட்டும்
கதவுகள்;
பாடித்திரிந்த பட்டாம்பூச்சி
படுக்கையில் கூட்டு புழுவாய் நீ...

மழை கம்பிகளை
மீட்டி உனக்கான
சோகப்பாடலை
சொல்லிதர நான் வரவில்லை.

கூனிப்போன உன் முதுகேறி கொசுக்கள்
குதிரைச்சவாரி செய்யலாம்!!
ஷோசியலிசம் சொல்லவேண்டிய உன் நாக்கு
சோற்றுக்காய்  கூச்சலிடலாம்!!
சோற்றுபருக்கையின்   கூர்மை உன்
தொண்டைக்குழியை கிழித்து
இரத்தம் குடிக்கலாம்!! அதன்
இளஞ்சூட்டில் இதயம் வெந்து
இறந்தும் போகலாம்!!.
ஜன்னல் கம்பியாய் தேய்ந்த தேகம்
மழைச்சாரல் பட்டு  முறிந்துபோகலாம்!!
போதும்!!

துவண்டு துவண்டு வண்டு தீண்டும்
செண்டாய் இருந்தது போதும்!!
அச்சமில்லை பாடிய பாரதியின் வாக்கை
துச்சமாய் எண்ணி துவண்டு கிடைக்காமல்
துளிர்த்துவா.

சொல்லுக்கே சோணங்கி விட்டால்
சொர்க்கம்கூட சுகமாய் இராது
சுருக்கென எழுந்து வா.

அடகுவைத்த உன் சிந்தனையை மீட்டு
அரியணையில் ஏற்று.
கனவுகள் வெறும் கற்பனைகள் அல்ல
அள்ளிவீசிய உன் கனவுகளை கண்டெடு.

மங்கைஎன்பவள் மலர்தான்
மலர்களுக்கு மதம்பிடித்தால்
காற்று  கதறும் காலநிலை சிதறும்.

உன் பட்டுச் சிறகுகள் படர்.
சூரியனின் சுடர் முட்டு.
நரம்புகள் கொண்டு
இயங்கியது போதும் வா இனி
நம்பிக்கை கொண்டு இயங்கு.

இதை கேட்டதும் அவளின்
கனத்த கால் சிறகுகள்
காற்றை எதிர்த்து சைகை செய்தது.

ஆம்!! நசுங்கிப்போன நரம்புகளில்
நம்பிக்கை தைலம் தடவி தரை
இறக்கினாள் தாங்க பாதங்களை.

என் தோள்களை தொட்டது
நம்பிக்கை ரேகைகள்
ஓடிய  ஒரு கை  அது...
(தொடரும்...)
பொறுமையாய் படித்த அணைத்து அன்பு நெஞ்சங்களுக்கும் நன்றி...

பதிவுலகில் பத்திரமாய் நான்...

2010-08-03T21:55:00.002+03:00

1) வலைப்பதிவில் தோன்றும் உங்கள் பெயர்?
ப: வலைப்பதிவில் தோன்றும் என் பெயர் சீமான்கனி.(ஒரே வார்த்தைல சொல்றத விட்டுட்டு ஏன் இழுக்குற...)

2) அந்தப் பெயர் தான் உங்கள் உண்மையான பெயரா? இல்லை எனில் பதிவில் தோன்றும் பெயரை வைக்க காரணம் என்ன?

ப: உண்மையான பெயரும் அதே...ரெம்ப ஆராய்ச்சிலாம் செஞ்சு வச்சதாம்.வித்யாசமா இருக்குல(ஆமா அத நீதான் சொல்லிக்கணும்...)

3 )நீங்கள் தமிழ் வலைப்பதிவு உலகில் காலடி எடுத்துவைத்ததைப் பற்றி.

ப: அது ஒரு பெரிய கதை.... என்னை முதலில் ஈர்த்த வலைப்பக்கம் பி.கே.பி அப்போது எனக்கு பதிவுலகத்தை பற்றி ஒண்ணுமே தெரியாது.சர்க்கரை சுரேஷ் என்ற ஒரு பதிவரை படிக்கும் பொது ஆர்வம் வந்தது.ஒண்ணுமே தெரியாம குருட்டாம் போக்குல ஒரு பக்கத்தை உருவாக்கி(வழக்கம் போல) கொஞ்ச நாள் அனைவரின் பதிவுகளை மட்டும் படிச்சுட்டு அப்படியே வச்சிருந்தேன்.எனக்கும் ஒரு வலைப்பக்கம் இருக்குனு பூரிப்புல ரெண்டுநாள் சரியா தூக்கமே வரலை (பெரிய சாதனை பண்ணிட்டத மனசுல நெனப்பு)அப்றம் அதுக்கு ஒரு பெயர் வைக்க ரெம்ப யோசிச்சு கனவு பட்டறைன்னு பெயர் வைக்க முடிவு பண்ணி அப்றம் வித்யாசமா இருக்கனுமேன்னு "கரும்பு பட்டறை"னு பெயர் வச்சேன்.முதல் பதிவா பெயர் காரம் சொல்ல இந்த பதிவு போட்டேன்.(சிரிக்கக்கூடாது ஆமாம்) அதே நாளில் மூணு சூடான  பதிவு.(இதுக்கும் சிரிக்கக்கூடாது ஆமாம்)   அவ்ளோதான் கூட்டம் கூட்டமா  வாசகர்கள் வர அவர்களை விரட்டவே நேரமில்லாம தவிச்சேன்.ஆமாங்க கரும்புன்னு பெயர் வச்சா வாசகர்கள் ஈ மாதிரி வருவாங்கன்னு பார்த்தா "ஈ"தான் வாசகர் மாதிரி வந்துச்சு.(அவ்வ்வ்வவ்வ்வ்வவ்வ்....)அப்றம் மறுபடியும் கனவு பாட்டை-னு மாத்தியாச்சு..

அதுல என் தலையணைக்கும் காதல்   இந்த கவிதைக்கு முதலாவதா சர்க்கரை சுரேஷ் வந்து பின்னுட்டம் இட்டு திரட்டிகளை பற்றி டிப்ஸ் தந்தாரு  என் முதல் வாசகரும் அவர்தான் இப்போ அவர் பக்கமே காணவில்லை.அடுத்து
குப்பை தொட்டி ஆதவன்   சார் வந்தாரு அவரும் சில டிப்ஸ் கொடுத்தாரு. சுமஜ்லா அக்கா பக்கத்தில் நிறைய அனுபவம் கிடைத்தது.இப்படிதான் ஆரம்பம் ஆனது பயணம்.

4) உங்கள் வலைப்பதிவை பிரபலமடையச் செய்ய என்ன என்னென்னவெல்லாம் செய்தீர்கள்?

ஒன்னும் செய்யல...(வழக்கம் போல) பிரபலம் ஆக எல்லாம் ஆசை இல்லை(ஆஹா இது உலக நடிப்புடா சாமீ) நல்ல வாசகன் தான் நல்லா பதிவரா ஆக முட்டியும்னு(தத்துவம்ஸ்.....) நிறைய பதிவுகளை தேடி முழுசா படிச்சு மனசுல பட்டத பின்னுட்டம் இட்டேன்.இன்றுவரை அதுதான் செய்கிறேன்.நல்ல பதிவரா இருக்க ஆசை படுறேன்.(ஆசை மட்டும் படு)

5) வலைப்பதிவின் மூலம் உங்கள் சொந்த விஷயத்தை பகிர்ந்து கொண்டதுண்டா? ஆம் என்றால் ஏன்?அதன் விளைவு என்ன? இல்லை என்றால் ஏன்?

பகிர்ந்ததுண்டு. உணர்வுகளை வெளிப்படுத்த.நிறைய நண்பர்கள்.நட்பு நான் நேசிக்கும் ஒரு உன்னதமான உறவு.அதனால்தான் http://ganifriends.blogspot.com/ பெயர் வந்தது.(ஆஹா எப்படி இப்டிலாம்??)

6) நீங்கள் பொழுதுபோக்குக்காக பதிவுகளை எழுதுகிறீர்களா அல்லது பதிவுகளின் மூலம் சம்பாதிப்பதற்காகவா?

இரண்டுக்காகவும்  இல்லை. என் எண்ணங்களை நண்பர்கள் பார்வைக்கு எழுதி  வைக்கும் என்  டைரி பக்கங்கள் இவை...(அட பார்ரா )

7) நீங்கள் மொத்தம் எத்தனை வலைப்பதிவுகளுக்கு சொந்தக்காரர்? அதில் எத்தனை தமிழ் வலைப்பதிவுகள் உள்ளன?

இரண்டு.இரண்டும் தமிழில்தான். கனவு பட்டறை, ஊறுகாய்.
ஊறுகாய் இது நண்பர்களோடு சேர்ந்து எழுத வைத்திருக்கிறேன் தற்போது சில பதிவுகளின் பேக்அப் எடுத்து வைத்திருக்கிறேன்.

8) மற்ற பதிவர்கள் மீது எப்போதாவது உங்களுக்கு கோபம் அல்லது பொறாமை ஏற்பட்டது உண்டா? ஆம் என்றால் யார் அந்த பதிவர்? ஏன்?
ம்ம்ம்ம்.....அது வந்து...என் மனசாட்சி சொல்லும் நல்லா கவனமா கேட்டுக்கோங்க.(ஐ!!! கடைசில என்னைய மாட்டி விடுறியா அப்போ நான் சைகைல சொல்லறேன் மக்களே புரிஞ்சுகொங்கோ).........................................புரிஞ்சதா??

9) உங்கள் பதிவை பற்றி முதன் முதலில் உங்களை தொடர்புகொண்டு பாராட்டிய மனிதர் யார்? அவரைப் பற்றி, அந்த பாராட்டைப் பற்றி..

முதல் பாராட்டு  சர்க்கரை சுரேசிடம் இருந்து வந்தது "என் தலையணைக்கும்" காதல் இந்த கவிதைக்கு முதலாவத சர்க்கரை சுரேஷ் வந்து பின்னுட்டம் இட்டு "கலக்கல் தல" இதுதான் முதல் டானிக் எனக்கு.அடுத்து "குப்பை தொட்டி" ஆதவன் சார் வந்தாரு அவரும் சில டிப்ஸ் கொடுத்தாரு அடுத்தடுத்து சுமஜ்லா அக்கா, சக்தி அக்கா,நிலா அக்கா,மாப்ளே வசந்த்,நண்பர் அபூ,பிரபா,பாலாசி,ஜலிகா,கதிர் அண்ணா, கிஷோர்   இவர்களின் தொடர் ஊக்கம், பாராட்டு, அறிவுரை, வழிநடத்தல் இன்னும் தொடர்கிறது...

10) கடைசியாக----விருப்பம் இருந்தால் உங்களைப் பற்றி பதிவுலகத்துக்கு தெரிய வேண்டிய அனைத்தையும் பற்றி கூறுங்கள்...

அன்பார்ந்த பதிவுலகமே வணக்கம்...

பெயர்                                   :   சீமான்கனி.(புதுசு)

வயது                                   :   வருத்தம் ச்சே வருஷம் ஒன்னு கூடுது.

உயரம்                                  :   வானத்துக்கு கொஞ்சம் கிழே / பூமிக்கு கொஞ்சம் மேலே.

தத்தக்கா பித்தக்கா  ஊர்  :   பாண்டியநாடு.

கபடி, படி படி படி ஊர்      :   பல்லவநாடு.

ஆணி பிடுங்குவது            :   அரபுநாடு.

பிடித்தது                             :   கடவுள்/காதல்/கவிதை.

இதுவரை பிடிக்காதது      :   பைத்தியம்.

தெரிந்தது                             :   முகத்துக்கு முன்னாடி இருக்குற எல்லாமே.

தெரியாதது                          :   முதுகுக்கு பின்னாடி இருக்குற எதுவுமே.

அறிந்தது                              :   சமையலுக்கு காய்கறிய.

அறியாதது                          :    சமைப்பது எப்படி?

சாதனை                              :    பதிவு எழுதுவது.

வேதனை                          :    மொக்கை போட தெரியாதது.(நம்பனும்)

நண்பர்கள்                           :   நல்லவர்கள்.

எதிரிகள்                              :   ரெம்ப நல்லவர்கள்.

அடிக்கடி கேட்க்கும்          :    தங்கம் கிராமுக்கு இவ்வளோ உயர்வு.
பொன்மொழி
தத்துவம்ஸ்                        :    அ)கருத்தா  படிச்சா பாஸ் மார்க்கு.
                                                    காதலி அடிச்சா டாஸ்மார்க்கு.
                                                    ஆ)மாவு சுடாது பட் மாவ தோசையா நாம் சுடலாம்.

                                                    இ)தோசைய நாம்  சுடலாம் சுட்டபின் தோசையும் நம்மல சுடலாம்.

மை டியர் மக்களே இத படிச்சுட்டு கண்டிப்பா ஒரு முடிவுக்கு வந்திருப்பீங்க.(அடுத்தமுறை இந்த பக்கமே வரக்கூடதுனா???)இந்த நேரத்தில் என்னை அழைத்த மாப்பி வசந்துக்கும்.அருமை அக்கா சுசிக்கவுக்கும் என் நன்றியை காணிக்கையாக்குகிறேன்.இந்த பதிவுக்கு வரும் கண்டனங்களையும் அவர்களுக்கே....
நான் அழைப்பது....

என் மனதிலிருந்து பிரியா
ஸாதிகா அக்கா
நண்பர் வெறும்பய
நண்பர் கமலேஷ்

அடுத்த பதிவில் அடிவாங்கிய தழும்புகளுடன் சந்திக்கிறேன் ...

நாளும் நட்புடன்...

2010-08-01T05:30:00.001+03:00

முகமோ முகவரியோ அறியாமல்
மொழி என்ற முற்றத்தில் முக்கூடினோம்.

உனக்காய் சொடுக்கும் ஒவ்வொரு சொடிக்கிலும் -நீ
எனக்காய்  கொஞ்சம் சிரிப்பையோ சிந்தனையோ
ஆறுதலையோ அதிர்வையோ தொடுத்து விடுகிறாய்.

கசப்பு இரத்தத்தில் அமிழ்ந்து கிடக்கும் இதயத்தை-உன்
மந்திர எழுத்துக்களால் சர்க்கரை பாகில் மூழ்கடிக்கிறாய்.

கவிதைகள் விற்கும் கடைவீதியில்
கண்ணடைத்து கடந்துபோகும் என்னை
கைபிடித்து கருத்துக்களில் கலர் காட்டுகிறாய்.

ஏதோ காரணத்தால் உன்னை
தொடராமல் போனவனை தொடர்ந்து வந்து
தொட்டு தோள்கொடுக்கிறாய்.

ஆம் உண்மைதான்
உனக்காய் தட்டப்படும் ஒவ்வொரு எழுத்துக்களிலும்
கொஞ்சம் சுயநல சூத்திரம் சொல்லித்தான் அனுப்புகிறேன்.
எனக்கும் அதே எழுத்துக்களை தட்டிவிடு என்பதாய் அல்ல
எழுத்துக்களால் என்னையும் எண்ணங்களையும்
தட்டி செதுக்குவாய் என்றுதான்.

கடவுளின் கருவறையில்
நினைவுகூரும் நிகழ்வுக்குமுன்
நீயும் நானும் நிச்சயித்து கொள்வோம் -நாம்
நல்ல நண்பர்கள் என.

விதியின் வசத்தாலோ இல்லை
பதிவின் வசத்தாலோ என்னை நண்பனாய்
அன்பால் சொந்தமாக்கிக்   கொண்ட சொந்தமாய்ஆன
அணைத்து நண்பர்களுக்கும்  சமர்ப்பணம்.

அனைவருக்கும் இனிய நண்பர்கள் தின வாழ்த்துகள்.

இனியென்ன செய்வாய்?

2010-07-30T00:01:00.002+03:00

அன்பெடுத்து அம்பு செய்து

ஆழமாய் தைத்தாய்.

அடுத்து என்ன செய்வதாய் உத்தேசம்?

ஓட்டை விழுந்த இதயத்தின்

ஒழுகும் குருதியை உன்

ஒற்றை முத்தத்தில்

உதடுகளுக்கு சாயம் பூசுவாய்.

துடிக்கும் இதயத்தை துப்பட்டாவால்

துடைத்துக் கட்டுவாய்.

அமில மழையில் அல்லாடும்

அக்கினி பறவையின் சிறகு வாங்கி

ஆறாத காயம் ஆற்றுவாய் .

வளையல்கள் நொறுக்கி

கொலுசு மணிகளை குலுக்கி

இதயத்தின் இட வலது

இருபக்கமும்

இறுக்கிக் கட்டி எந்நேரமும்

இனிமையாய் இம்சிப்பாய்.

பேசா இதயத்தை உன்

பெயர் மட்டும் பேசும்

பேதையாக்குவாய்.

ஒவ்வொரு பகலின்

ஆரம்பத்திலோ,

அல்லது இரவின்

தொடக்கத்திலோ

தூக்கம் என்ற ஒன்றை

தொல்லையாக்குவாய்.

சேற்றுக்குள் புதைந்திருக்கும்

கலப்பை போல என்

சோற்றுக்குள் புதைந்து கொண்டு

தொண்டைகுழியில் குத்துவாய்.

உன் வியர்வை துளியை

விலைக்கு கேட்கவும்

கண்ணீர் துளியை

தொலைக்க கேட்கவும்

செய்வாய்.

கண்விழிக்க கனவு காட்டி

காகிதங்களை நீட்டி நீயே அதில்

கவிதையாவாய்.

ஊருக்கும் பெருக்கும் மட்டும்

உருவாய் விட்டுவிட்டு

உனக்கானவனாய் என்

உயிர் மட்டும் மாற்றுவாய்.

இவ்வளவுதானே....

இதையெல்லாம் எப்போது

செய்வதாய் உத்தேசம்??

நான் களவாணி-2

2010-07-25T03:53:00.001+03:00

நான் களவாணி-1

முதல் பாகத்திற்கு ஆதரவுதந்த அனைவருக்கும் நெஞ்சார்ந்த நன்றிகள்...

அடுத்தது பயங்கரமான அனுபவம்.இன்றும் அதை நினைத்தால் அந்தநாளின் ஒவ்வொரு காட்சியும் கண்ணு முன்னாடி வந்து போகுது.(எதுக்கு இவ்வளோ பில்டப்பு??)

அன்று எங்கள் ஐ.டி.ஐ யின் கடைசி வகுப்பு.(ஃபெர்வேல்டே) அனைவரும் ரெம்ப குதுகலமாய் இருந்தோம்.எங்களுக்கு வந்த ஆசிரியர்கள் அனைவருக்கும் நினைவு பரிசுகள் வாங்கி பகிர்ந்தோம்.நண்பர்களிடம் முகவரி பகிர்ந்தோம். அந்த இன்ஸ்டியுட்டில்   யாருக்குமே பிடிக்காத பெருசு ஒருத்தர் இருக்கார் அவர் பெயர் ஹுசேன் முக்கிய பதவியில் இருப்பவர்.எங்கள் டிபார்மென்ட் பசங்களை கண்டாலே அவருக்கு பிடிக்காது. ஐந்து நிமிடம் தாமதமா வந்தாலும் அப்டியே வீட்டுக்கு அனுப்பிவிடுவார் சும்மா இல்லை நாலு  அடிய போட்டுதான் அனுப்புவார். ரெம்பநாளா அவர்மேல எங்க எல்லோருக்கும் பயங்கர கோபம். அன்றுதான் பழி தீர்க்கும் நாள்.

நிகழ்ச்சியெல்லாம் முடிய மாலை ஏழு  மணி நல்லா இருட்டிருச்சு எல்லோரும் வெளிய வந்துட்டோம்.அவரும் அவரோட ஓட்டை வண்டிய ஓட்டிட்டு வந்தார்.அவர் கேட்டை நெருங்கும்போது கூட்டத்தில் இருந்து ஒருத்தன் "டேய் ஹுசேன் சொட்டதலையா" னு சத்தமா சொல்ல.எல்லோரும் பயந்து  (மனசுக்குள்ள   சத்தமா சிரிச்சுட்டு) ஆளுக்கொரு பக்கமா ஓடிபோயிட்டோம்.நான் என்நண்பர்கள் ரிஸ்வான், அரவிந்த் மூணு பெரும் ஒன்னாதான் பஸ்ல போவோம்.சிம்சன் சுரங்கபாதை வழியாதான் அந்த ரோட்டை கடந்து போவோம்.அதே போல் அன்றும்  நடந்ததை பேசி சிரிச்சுட்டு சுரங்கபாதைக்குள்ள நடந்து போறோம் எதிரே ஹுசேன் சார்... (ஹாய் ஆப்பு)ஆக்ரோஷத்தோட எங்களை நோக்கி வர்றார்.கைல இருந்த கடிகாரத்தை கழட்டி பைக்குள்ள வச்சுகிட்டே கேட்டார்(மனுசே தெளிவா ஸ்கெச் போட்டுருக்காரு) "யாரு டா அப்படி சொன்னது??"நாங்க தெரியல சார்னு சொல்லி அடுத்தநொடி ரைட்டு லேப்ட்டுன்னு அடி பின்னி எடுக்குறார். ஆமாம்  ரிஸ்வான்னும் அரவிந்தும் எனக்கு ரைட்ட்ளையும் லேப்ட்டுளையும் நடுவுல  சேஃப்பா நான். (மகனே ஜஸ்ட்டு மிஸ்டா)

படத்துல வில்லன் ஹீரோவ அடிக்கிற மாதிரி அடினா அடி அந்தமாதிரி அடி அங்க எங்களை வேடிக்கை பார்த்து கடந்து போகுது ஒரு கூட்டம்.(சினிமா சூட்டிங்க்னு நெனச்சுருப்பாங்க) சிலபேர் அவரை தடுக்க முயற்சி பண்றாங்க ம்ம்ம்ஹும் முடியல (சினம் கொண்ட சிங்கம் சும்மா இருக்குமா??).அரவிந்துக்கு உதடு கிழிஞ்சு இரத்தம் வர்ர வரைக்கும் அடி நிக்கவே இல்லை.மகனே டி.சி வாங்க வருவீங்கல அப்போ வச்சுக்குறேன் டா. அப்டின்னு சொல்லிட்டு போய்ட்டார்.வலி தாங்கமுடியாம அரவிந்த் "எவோனோ கத்துனதுக்கு நம்மல அடிச்சுட்டு போறானே  இந்தாளுனு" சொல்லிட்டு ஒரு சமதம் எடுத்தான். "அவன கண்டு பிடிச்சு இதே அடிய அவனுக்கு குடுக்கலை நான் ஆம்பளையே இல்லடா".(அதுக்கு ஏன்டா இந்த முடிவு)எல்லோருக்கும் கொஞ்சநாள் இழுத்தடிச்சு டி.சி குடுத்தாங்க.கடைசி வரைக்கும் யாருனே கண்டு பிடிக்க முடியல அரவிந்த் சபதமும் நிறைவேரலை.

ஒரு வேலை இந்த பதிவை அவன் படிக்க நேர்ந்தால் அவன் சபதம் இனி நிறைவேறலாம். ஆமாம் அந்த கூட்டத்துல "ஹுசேன் சொட்டதலையானு" கத்துன நல்லவன்  நான்தான்.இப்போ நினைத்தாலும் சிரிப்போடு அந்த நியாபகங்கள் ஒரு பக்கம் வர இப்போ கொஞ்சம் பயமாவும் இருக்கு.

பயஸ்க்கி:
        மாப்பள அரவிந்து எப்போவாவது இந்த பதிவ படிக்க நேர்ந்தால் கொலைவெறியோடு கத்திய கித்திய தூக்கிகிட்டு வந்துராதே.ஐ யம் ரெம்ப பாவம்.
ஏதோ அறியா வயசுல தெரியாம பண்ணிட்டேன்.மக்களே நீங்களும் யாரும் போட்டு குடுத்துறாதீங்க.ப்ளீஸ்............

நான் களவாணி-1

2010-07-19T23:35:00.001+03:00

களவாணி தலைப்பை பார்த்ததும் படவிமர்சனம்னு நம்ம்பி வந்தவங்கள் மன்னிக்கணும்.படத்தோட விமர்சனம் பார்த்தேன் அப்டியே எனக்கும் நான் செஞ்ச  களவானித்  தனங்கள் நினைவுக்கு வந்துச்சு அதன் தொகுப்புதான்   இது. (பயபுள்ளைக்கு பேருமைய  பாத்தியா??)

முதல் களவாணித்தனம்...
அப்போ எனக்கு மூணு வயசு இருக்கும் அதெல்லாம் நியாபகம் இருக்கானு கேக்குறது புரியுது இது எங்க அத்தமா(பாட்டி)சொன்னது.
சின்னமனூர் அது நான் பிறந்த ஊர் தேனீ பக்கத்துல இருக்கு.ஒருநாள் சாயங்காலம் என்னை சீவி சிங்கரிச்சு வீட்டு வாசல் முன்னாடி வேடிக்கை பார்க்க உட்கார வச்சுட்டு அம்மா ஏதோ வேலையா உள்ள போய்ட்டாங்களாம்.வந்து பார்த்தா எனைய காணோம்.(எந்த பொண்ணு பின்னால போனியோ??யாருக்குத் தெரியும்.)உடனே பதறிபோய் அம்மா ஒரு பக்கம், அத்தா(அப்பா) ஒருபக்கம், அப்பா (தாத்தா) ஒருபக்கம்னு ஊர்முழுக்க தேடுறாங்களாம். அங்க தண்டோரா அடிக்குரவற கூப்பிட்டு இன்னார் பேரனை காணோம்னு தண்டோரா அடிச்சாங்களாம். ராத்திரி ஒன்பது   மணியாச்சு ஒருதகவலையும் காணோம். அடுத்த கட்ட நடவடிக்கையா கண்டு பிடிச்சு கூட்டிட்டு வந்தா சன்மானம் குடுக்குறதா தண்டோரா போட்டாங்களாம்.அதுக்கு அப்றம் ஒருத்தர் தூக்கிட்டு வந்து வீட்டுல விட்டாராம்.அங்க நடந்தத அவரு சொன்னாராம்.

நான் வீட்டுல இருந்து கிளம்பி நேரா நடந்து பஸ்டாண்டு வரைக்கும் போயிருக்கேன். அதுக்குமேல போகத்தெரியாம அங்கேயே நின்னு அழுதுருக்கேன். அத பார்த்த ஒருத்தர் என்னை யாரு கேட்டுருக்காரு எனக்கு எதுவும் சொல்லதெரியல.அப்றம் பக்கத்துல இருந்த ஒரு டீகடைக்கு கூப்பிட்டு போய் என்ன வேணும்னு கேட்டுருக்காரு. நானும் இதுதாண்டா சான்ஸ்னு நான்பாட்டுக்கு    பன்னு(BUN ), கேக்குனு  வாங்கி சாப்ட்டுட்டு அவரை பார்த்து ஒரு சிரிப்பு சிரிச்சுட்டு அவர் பக்கத்துலையே உட்கார்ந்துட்டேனாம்.(பயபுள்ள ஒரு பன்ன பார்த்ததும் பல்ல ஈளிச்சுடானே!!)அப்றம் அவரு விசாரிச்சு வீட்டுல வந்து விட்டுட்டாரு.அவருக்கு எங்கப்பா(தாத்தா)எவ்ளவோ பணம் குடுத்து நன்றி சொன்னாராம்.

அடுத்தது  மூணாவது படிக்கும் பொது டூருக்குபோக நான் செஞ்ச களவாணி தனத்தை  இங்க படிக்கலாம் ஆனா விழுந்து விழுந்து சிரிக்கக்கூடாது. ஐயம் பாவம் அப்போ நான் சின்னபுள்ள.

அடுத்து இரு ஒரு பயங்கரமான அனுபவம்.இத, தானா தற்கொலைனு சொல்லலாம் அந்த மாதிரி.மதுரைல ஐந்தாவதோ ஆறாவதோ படிக்கும்போது நடந்தது.நான் ஸ்கூலுக்கு போற வழில ஒரு குளம் இருக்கும்.அனால் அந்தபக்கமே நான் போனது இல்லை. ஒருநாள் ஸ்கூல் முடிஞ்சு வந்துகிட்டு இருக்கும்போது அந்த குளத்தை சுத்தி ஒரே கூட்டம்.அப்பவும் எதுவும் கண்டுக்காம நான் வீட்டுக்கு போயிட்டேன்.என் நண்பன் பாலா வந்து டேய் அந்த குளத்துல யாரோ ஒருத்தன் ஒரு சின்ன பிள்ளைய கொலபன்னி  வீசிட்டு போயிட்டானாம் டா.வா போய் பாக்கலாம்னு கூப்பிட்டான்.அம்மா அத கேட்டதும் டே அந்தப்பக்கம் போன... கொண்டேபோடுவேன். ஒழுங்கா அடக்கமா இங்கே இருன்னு சொல்லிட்டு எங்கயோ போய்ட்டாங்க.அப்போ நண்பன் சொன்னான் டே  அம்மா சொன்னா அதெல்லாம் சும்மா டா வாடா பார்த்துட்டு வருவோம்னு சொல்ல யாருக்கும் தெரியாம  அந்த குளத்துக்கு போனோம்.அங்க....

ஒரு சின்ன பொண்ணு மிதக்குது கை, கால்  எல்லாம் வீங்கி இருக்கு பார்க்கவே பயங்கரமா பயமா இருந்துச்சு.யாரோ ஒரு படுபாவி நகைக்காக கொலை பண்ணிருக்கான்.அங்க இருந்து ஒரே ஓட்டமா வீட்டுக்கு வந்துட்டேன்.அவ்ளோதான் ராத்திரி முழுசும் தூக்கம் வரலை கை கால்லாம் நடுங்குது காயிச்சல் வந்துருச்சி.டாக்டர், ஊசி,மந்திரிக்குறது எதுவும் கேக்கல.அப்பறம் கொஞ்சம் கொஞ்சமா அத மறந்தேன் சரியா போச்சு.
அடுத்து எனக்கு அத்தா(அப்பா) கொண்டாடுன வித்யாசமான  பிறந்தநாள் இங்கே இருக்கு.இதையும் படிங்க.   (ஏண்டா இப்டி கொன்னு கொலைய அக்குற...)

அடுத்து அத்தாவின் (அப்பா)வேலை காரணமா சென்னை வந்துட்டோம்.  ஒன்பதாம் வகுப்பு படிக்கும்போது.அப்போ சென்னை,மெட்ரோ ரயில்,பீச்சு எல்லாம் எனக்கு புதுசு.பீச்சுக்கு போகரெம்ப ஆசை ரெம்பநாளா வீட்டில் யாருமே கூப்பிட்டு போகலை.என் நம்பன் அவனை அப்படிதான் சொல்லணும் அவ்வளோ நம்புனேன் அவனை.அவனும் நானும்  பீச்சுக்கு போக  திட்டம் போட்டு வீட்டுல கிரவுண்டுக்கு போறேன்னு சொல்லிட்டு கூழ் ட்ரிங்க்ஸ் குடிக்க அம்மாகிட்ட காச ஆட்டைய போட்டு கேளம்பிட்டோம்.நான் அவனை கேட்டேன் ரயில் பீச்சுக்கு போகுமான்னு.(கப்பல்தானே போகும்)அவன் சொன்னான் ஓ... போகுமே.அப்போ அதுலயே போகலாம்னு முடிவு பண்ணியாச்சு.சைதாப்பேட்டை ஸ்டேசன்ல டிக்கெட் எடுத்துட்டோம்.பீச்சு எத்தனாவது ஸ்டேசன்னு கவுண்டர்ல கேட்டோம் அவரு கடைசி ஸ்டேசன்னு சொன்னாரு.நாங்களும் அடுத்து வந்த ரயிலில்  ஏறி கதை பேசிட்டே போறோம். ரெம்பநேரம் ஆச்சு.கடைசியா ஒரு ஸ்டேசன்ல எல்லோரும் இறங்குனாங்க.அப்போ ஒருத்தர் கிட்ட இதுதான் லாஸ்ட்டானு   (அப்பகூட பீச்சு ஸ்டேசன்னு  கேக்கத் தெரியால ஹையோ..ஹையோ..) கேட்டோம் அவரும் ஆமான்னு சொல்ல எறங்கி பார்த்தா அது தாம்பரம்.டே என்னடா தாம்பரம்னு போட்டிருக்கு அப்போ பீச்சு  இல்லையா??டேய் லூசு(யாரு லூசு???) இங்கதாண்ட பீச்சு இருக்கு வா... எனக்கு    தெரியும்-னு   நடக்குறான் நானும் அவன் கூடவே நடந்து போறேன்.ரெம்ப தூரம் வந்தும் பீச்சுக்கு உண்டான ஒரு அறிகுறியும் தெரியல.ரெம்ப நொந்து போய் கேட்டேன் டேய் தெரியாதுன சொல்லிருடா இப்டியே போய்டுவோம்.முடியல ரெம்ப வலிக்குது(அவ்வ்வ்வ்....)அவன் சொன்னான் தெரியலடா...மறந்து போச்சி.அப்போதான் எனக்கு தெரியும் பயபுள்ள இதுவும் இப்போதான் முதல் முறையா ரயிலில் வருதுன்னு.அப்றம் அலஞ்சு திருஞ்சு வீட்டுக்கு போனா...எங்க அத்தா (அப்பா)எனக்கு ரெண்டாவது பொறந்தநாள் கொண்டாடினாரு.நான் கூட கேட்டேன் போன மாசம்தானே எனக்கு பொறந்தநாள் வந்துச்சு இப்போ எதுக்குன்னு.இம்ஹும்.. அவரு கேக்கவே இல்லையே.வெடி வெடிச்சு ரெம்ப அமர்களமா கொண்டாடுனாரு.(தொடரும்)

டிஸ்கி:எனக்கும் ஆசைதான் இதே தலைப்ப வச்சு நாம சின்ன வயசுக செய்த களவாணி (குறும்பு)  தனத்த தொடர் பதிவா எழுதனும்னு ஆனா எல்லோருக்கும் தொடர் பதிவுனாவே அலர்ஜியா இருக்கு.அதான் நானே தொடர்ந்து இன்னும் சில குறும்புகளை எழுதுறேன் இத பயப்படாம படிக்கணும் சரியா...
இங்கே படிக்கலாம்...

ராச்சஷி பூக்கள்...

2010-07-14T05:47:00.001+03:00

காத்திருக்கச் சொல்லிவிட்டு போனாய்

காதல் சொல்ல கவர்ந்துவந்த ஒற்றை ரோஜா - தன்

காத்திருப்பையும் கவனப்படுத்த

காத்திருக்கிறேன் என்று வானத்தில் எழுதச்சொல்லி

கத்தியாய் கைகீறி இரத்தம் காட்டுகிறது.

***

மாலை வந்ததும் மாறாமல் வரும் பூக்காரியிடம்

மலர் சூடிக்கொள்ள மங்கை இல்லை - அவளின்

மயிலிறகு பாதங்களின் மருக்கள் மட்டுமே

மிச்சமாய் இருக்கு என்னிடம் என்றதும்

கூடையிலிருந்து குதித்துவந்து என்மேல்

குண்டு எரிகிறது குண்டுமல்லி ரெண்டு.

***

ஏ!!கலாபக்காரியே - உன்

கார்கூந்தல் கூடும் கனகாம்பர பூக்கள் உன்னை

காணாத கோபத்தில் கண்ட இடத்திலெல்லாம்

கல்லெறிந்து காயப்படுத்துகிறது.

***

நீ ஊஞ்சல் கட்டி ஆடும் அழகை

உயரே இருந்து உற்றுப்பார்த்து விட்டு

உதிரும் வேப்பம்பூக்கள் - அங்கு

நீ சிதறிய சிரிப்புகளை சேமிக்க வரும் என்மேல்

விறகு எறிந்து விரட்டுகிறது.

***

அன்று நீ சரிந்த மண்ணில்

சிதறிய மல்லிகை பூக்களை தேடிஎடுத்து

மார்போடு வைத்துக் கொள்கையில்

மாமல்லபுரத்து மலையாய் மாறி

மல்லிகை என்னை கொல்லப்பாக்குது.

***

பசி பிசையும் வயிற்றுக்கு உணவுட்ட

தொண்டைக்குழியில் தங்கிவிட்டு

தர்ணா செய்கிறது காலிபிளவர்.

***

இப்படித்தான் இயல்புகளை இருத்திவிட்டு

திரிபுகளை தின்னக்கொடுக்கிறது

நின் நினைவுகள்.

உன் ராச்சஷா பூக்களால்

காதலன் பட்ட காயங்களுக்கு கட்டுப்போட

கல்லறை தகர்த்து எழுந்துவா.

வருவாயா??வரமாட்டாயா?

மீண்டு வருவாய் என்றுதான்

மீண்டும் மீண்டும் சொல்கிறது உன்

கல்லறை பூத்த கள்ளிப்பூக்களும் உன்

இறுதி ஊர்வலத்தில் இறைக்கப்பட்ட

கதம்பப்பூக்களும் கருகி காத்திருக்கிறது

என்னை போலவே

சீக்கிரம் வா....

இது காதல் கடிதம் அல்ல...11(தொடர்க(வி)தை)

2010-07-08T06:44:00.000+03:00

தொடர்க(வி)தை கொஞ்சம் நீளமாக இருக்கும் தொடர்ந்து கடைசி வரை படிக்கவும்.முந்தைய பாகங்கள் அனைத்தும் இங்கே....

விலாசம் பிடிக்க விசுக்கென்று புத்திக்கு எட்டியது
அவள் மயங்கி கிடந்த மருத்துவமனை.

வரவேற்ப்பு வட்டாரத்தில் அவளின் விபரம் சொல்லி
விலாசம் கேட்க வார்டு நம்பர் 307 என்றது பதிவேடு!!#@?*
எனக்குள்ளே எழுகிறது எத்தனை கேள்விகள்.
விடுபோய் சேரலையோ??ஏதும் விபரீதமோ??விபரம் சரிதானோ???
விறு விறுவென விரைந்தேன் வார்டு நம்பர் 307.

நரம்பியல் பிரிவு...
நரக தவிப்பிலிருந்து நடுக்கத்தோடு சில நரன்கள்.
நரம்புகள் நசுக்கப்பட்டு நகரத்துடிக்கும் - ஒரு
நான்குவயது பட்டாம்பூச்சி - சற்று தொலைவில் சக்கர
நாற்காலியில் சரிந்து கிடந்தது என் குலச்சாமி.

கொண்டுவந்த கோபத்தை
குப்பையில் கொட்டிவிட்டு.
குருட்டு கண் துடைத்து
குறுகுறுவென பார்கிறேன்.

தமிழா!!! ஆம், தமிழேதான் தனிமையில்.
என்னை கண்டதும் அவள் கண்ணங்களில்
நீர்தெளித்து நீண்ட கோலம் வரைகிறது கண்ணீர்த்துளிகள்.

சாலைகளில் சக்கரமாய் சுற்றித் திரிந்தவள் - நீ
எதற்கு சக்கர நாற்காலியில்?!.சத்தியம் சொல் என்றேன்.
சங்கடத்தோடு சன்னமாய் வாய்திறந்து - நான்
சபிக்கப்பட்டவள் என்றாய்.

கால்களை கட்டுப்படுத்தும் மூளைநரம்பு
நஞ்சு உண்டு நசுங்கி - மூச்சை
நிறுத்திகொண்டதாம் என்றாய்.
சலனமின்றி செத்துபோனேன் நான்.

கல்லூரிச்சலையில் - உன் கால்தடங்களை முத்தமிட
பூமரத்தின் பிடியிலிருந்து பூமிவரும்
புங்கை மலர்களுக்கு பதிலென்ன சொல்ல?-நீ
புடவை கட்டி புத்தகம் சுமந்து
வருடம்தோறும் வசந்தம் வீச - உன்
வாயுதிர்க்கும் புன்னகை பூக்களை
பொக்கிஷமாய் பாவிக்கும் பருவகாலத்துக்கு
பதிலென்ன சொல்ல?
உன் கைபிடிக்க காத்திருக்கும் பேருந்து
கம்பிகள் கேட்க்குமே பதிலென்ன சொல்ல.
நீ காத்திருக்கவே கார்பரேசன் கனவான்கள்
கட்டிவைத்த நிழற்குடை நிறுத்தாமல் கேட்க்குமே
பதிலென்ன சொல்ல?
ஏதோ ஒரு பேருந்தில் எப்போதுமே - உன்
ஸ்பரிசத்திற்காக அழும் அழகு குழந்தைக்கு
பதிலென்ன சொல்ல?

பாவை அவள் பாவையானால் எனவா?
பூமிக்கும் அவளுக்குமான பாத
பந்தங்களை பறித்துக் கொண்டான்
படைத்தவன் எனவா?
சக்கர நாற்காலியே சகலமும் என்று
சரனானால் எனவா?
என்ன சொல்ல யாரை சொல்ல???

நானே காரணம் என்று நானிபோனேன்.
நடுங்கும் கைகளை நறுக்கென்று பற்றி
நஞ்சு விழுங்கியது என் தவறு,
நானே காரணம் என்று கைகளை
நனைக்கிறாய் கண்ணீரால்.

இன்னும் நீங்கள் என்னை....???என்றாய்
என்றும் நீதான்..... என்றேன் நான்.
இனி என்னால் நடக்க முடியாது என்றாய்
நரம்பு மட்டுமல்ல - உன்
நம்பிக்கையும் நசுங்கிபோய் இருந்தது
உன்னிடம்...
(தொடரும்...)

மாறிய கைகள்...

2010-07-03T04:25:00.003+03:00

(இந்த படம் வசந்தின் கைவண்ணம்)

நன்றி மாப்பி

முதலில் இந்தமாதிரி யோசிக்கவச்ச வசந்து மாப்பிக்கு நெஞ்சார்ந்த நன்றிகள்... (அடுத்த வருஷம் ஊருக்கு வருவேள...வா..)எப்படி இப்படி யோசிக்குறனு தெரியாத்தனமா கேட்டுபுட்டேன் அதுக்கு ஒரு பதிவ போட்டு நமக்கும் ஒரு தலைப்ப குடுத்து எழுது ராசான்னு பாசமா சொல்லிடாப்ள.(எதுவா இருந்தாலும் பேசியே தீர்துருக்கலாம்) நான் எப்பவும் எது எழுதுனாலும் கடைசியாதான் தலைப்பயோசிச்சு எழுதுவேன்.இப்போதான் தலைப்புக்கு எழுதுறேன் அதுவும் வித்யாசமா...(பாவம்  சுசிக்கா என்ன பாடுபடுறாங்களோ???)அப்டின்னு நெனச்சா இப்படி எஸ்கேப் ஆயிட்டாங்களே...

நம்ம கைகள் இரண்டும் இருக்குள்ள அதோட ஆரம்பம் நம்ம தோள்பட்டையில இருக்குன்னு தெரியும் அதே கைகள் நம்ம வயிற்றோட பக்கவாட்டில் முளைத்திருந்தால் நம்ம அன்றாட வாழ்க்கையில் என்ன என்ன மாற்றங்கள் நடந்திருக்கும்?.......இதுதான் வசந்த் மாப்பி எனக்கு கொடுத்த சிந்தனை.(ஒரே ஊர்காறேனு கொஞ்சம்கூட யோசிக்காம)வசந்த் சிந்தனைய கொஞ்சம் என் முளை வழியா வாசிக்க போறீங்க.(என்னென்ன ரூபத்துல விதி விளையாடுது)கடைசியா ரெண்டு பேர் என்னோட சிந்தனைக்கு எழுதவும் போறிங்க.... (இந்த கொடுமை வேறயா??)சரி நீங்க மனச தேத்திகிட்டு மேல படிங்க...(படிக்கனுமா..??விதி)
உங்களுக்கு கை இறங்கி வயித்துக்கு பக்கவாட்டில் வந்துருச்சா...??

முதலில் நன்மைகள் பார்ப்போம்...
1) தூக்கத்தில் நமக்கு இடுப்புக்குகீழ அரிச்சா ஈசியா சொரிஞ்சுக்கலாம்.(ரெம்ப முக்கியம்)
2) தரைல எந்த  பொருள் விழுந்தாலும் குனியாம எடுத்துடலாம்.(அப்போ மூவ் தடவுற செலவு மிச்சம் )
3) ரெம்பநேரம் நின்னு கால் வலிச்சதுனா கைய சபோட் குடுத்து கொஞ்சம் ரிலாக்ஸ் பண்ணிக்கலாம்.(சைக்கிள் ஸ்டாண்ட் மாதிரி)
4) வாண்டுங்க தப்புபண்ணா தலைல கொட்ட ரெம்ப வசதியா இருக்கும்.(பழிக்குபழி)
5) அடுத்தவங்க கால வாற ரெம்ப வசதியா இருக்கும்.(ஐயோ..!!!!)
6) பெண்கள் கோலம்போட வீடு பெருக்க ரெம்ப கஷ்ட்டபடமாட்டாங்க.
7) யாரும் அவ்ளோ ஈசியா நம்மல கண்ணத்துல அரைய முடியாது.
8) கிரிகெட்ல குனியாம பாடிங் பண்ணலாம்.
9) பெரிய தொப்பை இருந்தாலும் ஷூ லெஸ் ஈசியா முடிச்சு போடலாம்.(அட..)
10௦) கீபோர்டும் மவுசும் கிட்டத்தட்ட தரைலதான் வச்சு வேலைசெய்யணும்.

அடுத்து விபரீதமான சில நிகழ்வுகள் நடக்கலாம்...
1) எதாவது தெரியாம முழிக்கும்போது தலைய சொரிய முடியாது முடிஞ்சா முதுக சொரிஞ்சுக்கலாம்.(ஆரம்பமே சரி இல்லையே)
2) ரஜினியோட சில முக்கியமான  ஸ்டைல் பண்ணமுடியாமலே போயிருக்கும்.(இது உலகத்துக்கு ஒரு பெரிய இழப்பு)
3) சிவக்குமாரோட ஒரு முக்கியாமான டயலாக் பல சென்சார் காரணமா எழுதாம போயிருக்கலாம்.அந்த டயலாக் "கண்ணா உன்னை தோள்ல போட்டு வளர்த்தேன் மார்ல போட்டு வளர்த்தேன் ஆனா நீ என்னை நெஞ்சுல மிதிச்சுட்டு போறியே..."இத மாத்தி எழுதுனா... "கண்ணா உன்னை வயித்துல போட்டு வளர்த்தேன் தொப்பைல போட்டு வளர்த்தேன் ஆனா நீ என்னை சென்சார்....மிதிச்சுட்டு போறியே..."(ஒ... மை காட்...!!!)
4) பல்லு வெளக்குற பிரஸ் இப்போ இருக்குரதவிட ரெண்டுமடங்கு அதிகநீளமா இருக்கும்.சீப்பும் அதுபோலவே.
5) அடிதடி தகராறு வந்தா அடிக்குற அடி முதலில் படக்கூடாத இடத்துலதான் படும்.(உசுரே போகுதே...உசுரே போகுதே...நாட்டாம தீர்ப்ப மத்தி சொல்லு..)
6) யாரையாவது கண்ணத்துல அரைய ஆசைபட்டா ஒரு ஸ்டூல் போட்டுதான் அரையனும்.(அதுக்காக ஸ்டூலோடவா அலையமுடியும்)
7) பல்ல உடைச்சுடுவேன்னு ஈசியா சொல்ல முடியாது.இல்ல சொல்ல முடியும் செய்ய முடியாது.(கல்லெடுத்து அடிச்சு உடைக்கலாம்)
8) நம்ம ஆடைகளில் நிறைய மாற்றம் அதாவது சட்டை ரெம்ப வித்யாசமா இருக்கும்.காலருக்கும் கைக்கும் ரெண்டு அடி கேப் இருக்கும்.(நெனச்சு பாக்கவே பயமா இருக்கு)
9) பாடகர்களுக்கு நீளமான மைக் தேவைப்படும்.
10௦) பின்முதுகுக்கு மேல சொரிஞ்சுக்குறது ரெம்ப கஷ்ட்டம்.
11) மார்தட்டி சொல்வதற்கு பதிலா வயிர்தட்டி சொல்லுவோம்.
12) செல்போன ஸ்டைலா காதுலவச்சு பேசமுடியாது.
(புளு டூத் வாங்கி மாட்டுவோம்)
13) குனிஞ்சு கைய தரைல வச்சா நாளுகாலு மிருகம் மாதிரியே இருப்போம்.(ஓட்டகசிவிங்கி மாதிரின்னு தெளிவா சொல்லு)
14) சுகந்திரமா சோறு சாப்டமுடியாது.(தண்ணிகூட ஸ்ட்ரா போட்டு குடிக்கலாம்)
15) காலுமேல காலு போட்டு உக்காரும்போது கைமேல கை போட்டு உக்காருவோம்.
16) கல்யானத்துல உக்கார்ந்துகிட்டு தாலி கட்டகஷ்ட்டமா இருக்கும்.(நின்னுகிட்டு கட்டிக்கலாம்)
17) தோள்ல இருந்து கைஇருக்குறவங்கள பார்த்தா அதிசயமா,பாவமா பார்ப்போம்.
(ரெம்ப குஷ்ட்டம்பா...இது...கஷ்ட்டம்பா...போதும் ஆணியே புடுங்க வேண்டாம் போ...)

ஏதோ எனக்கு தெரிஞ்சதெல்லாம் எழுதிட்டேன். இப்போ நானும் ரெண்டுபேர மாட்டிவிடனும்...(யாம் பெற்ற  இன்பம் பெருக இவ்வையகம்)
முதலில் பாசத்திற்குரிய ஸாதிகா அக்கா மனிதர்கள் எல்லோரும் கடலுக்குள்ள வசித்தால் எப்படி இருக்கும்னு எழுத போறாங்க.தலைப்பு தண்ணீர் தேசம்.

அடுத்தது...சலூன்கடை சகா அஹமது இர்ஷாத் நீங்க காத்தாடியா (பட்டம்) இருந்தா உங்கள் அனுபவம் எப்படி இருக்கும் பறக்கும்போது என்ன உணர்வீங்கன்னு எழுதுங்க...தலைப்பு ஆத்தாடி...காத்தாடி....

மாக்கோலம் பூக்கோலம்...

2010-06-29T23:37:00.001+03:00

வாசலிலே நீர்தெளிக்க

வளையோசை ஊர்எழுப்ப

வானவில்ல நீ வளச்சு

வண்ணக்கோலம் ஒன்னு போட

வச்சகண்ணு வாங்காம

வானமே உன்வாசல்வர

வசியம் போட்டு வரஞ்சுவச்ச

வரிசைக்கோலம் நெனவிருக்கா!!?

***

நீ கோலம்போட புள்ளி வைச்சு

புத்தகம் பார்த்திருக்க ராவோடு ராவாய்

நட்சத்திரங்களை - தரைக்கு

தடம் பெயர்த்து வந்தவளே

என்று ரகசியமா சொல்லிவச்ச

ராப்பொழுது நெனவிருக்கா!!?.

***

பிறைநிலாவ பிச்சுவந்து

கிள்ளி கிள்ளி அத எடுத்து

வாசலிலே நீர்தெளிச்சு

நீ போட்ட வாழ்த்துகோலம்

நெனவிருக்கா!!??
***

வீட்டு முற்றத்தில் குத்தவைத்து

உட்கார்திருந்த உன்னை;

கோலம் என்றெண்ணி முதல் பரிசை

உன் வீட்டுக்கு அறிவித்த

கோலப்போட்டி நெனவிருக்கா!!?.

***

மருதாணி அரைச்சு

மல்லிகை கையில் கோலம் போட்டு

அழகா இருக்கானு அடுத்தநாளு கேக்கையில

இருட்டுல இலுவிவிட்ட இந்த கோலம் அழகுன்னு

கண்ணாடி காட்டி கண்ணடிச்சது நெனவிருக்கா!!?.

***

ஆத்தா கிட்ட அடிவாங்கி

'யப்பே...'ன்னு அழுகையில

கண்ணத்த கடந்துவந்து

கண்ணீர் போட்ட நீர் கோலம்

கடவாயில் உப்பு கரிச்சது

கண்ணே நெனவிருக்கா!!?.

***

கைவிரல் நடனமாட

கைவளவி தாளம்போட

கலர்கலரா மாவெடுத்து

கச்சிதமா கோலம்போட்டு

கண்மூடி கனாகண்ட

காதலான எழுப்பிவிட்டு

கதவோரம் வந்துநின்னு

கண்ணாடிக்க,

கொலுச பேசவிட்டு

கோபப்பட்ட நெனவிருக்கா!!?.

***

கார்த்திகை மாசத்து

தீபத்துல திரியவச்சு

தெருவெல்லாம்

தினறவச்சு நீ போட்ட

தீக்கோலம் நெனவிருக்கா!!?.
***

எட்டு புள்ளி கோலம் போட்டு

எட்டுவச்சு நீபோக - உன்

தலையயேரிய மல்லிகைபூ

எரங்கிவந்து கோலம்பாக்க

மாக்கோலம் பூக்கோலமா

மாறிப்போனது நெனவிருக்கா!!?.

***

வண்டியுருக்கு வாக்கப்பட்டு வண்டியிலே நீபோக

வகைவகையா கோலம்பார்த்த என் வீட்டு வாசப்படி

வாழவெட்டியா வழியத்து கெடக்குமுன்னு

வஞ்சியே நெனவிருக்கா!!?.

***

அல்கா அஜித்...

2010-06-18T03:28:00.006+03:00

தமிழகமே எதிர்பார்த்து இருந்த பிரம்மாண்டமான ஏர்டெல் சூப்பர் சிங்கர் போட்டியை இறுதியாய் வென்றது.அழகு குயில் அல்கா அஜித்.எனக்கு ரெம்ப பிடித்த போட்டியாளர். தேன் குரலுக்கு சொந்தகாரர்.அவருக்கு ஓட்டு போட்ட அனைவருக்கும் நன்றிகள்.

அவரை பற்றி ஒரு சிறு தகவல்:
இவர் கேரளத்து ஓமணப்பெண் என்பது அனைவரும் அறிந்ததே.
இரண்டரை வயதில் பாட ஆரம்பித்த அல்கா கோவில் விழாக்கள், சிறு மேடைக்கச்சேரிகளில் பாடிவதிருக்கிறார். அவருடைய முதல் பெரிய மேடை தலைச்சேரியில் நடந்த கார்கில் நாயகர்களுக்கு நிதி திரட்டும் ஒரு நிகழ்ச்சி.இவர் மொத்தம் பதினோரு மொழிகளில் பாடுவார்.மில்லேன்னியும் வருடத்தின் சிறந்த குழந்தை பாடகர் (அப்போது மொத்த மேடை நிகழ்ச்சி 340 ) விருதை ஆந்திராவின் UNESCO Club இவருக்கு இவரின் ஆறு வயதில் வழங்கி இருக்கிறது.
2004 ஆம் வருடம் ஹிந்து நாளிதழில் வந்த ஆர்டிகல் உங்களுக்காக இதோ...

Saturday, Apr 17, 2004
Small wonder :
When others are planning to have fun this summer, Alka is preparing for her concerts. Alka Ajith is in Standard II, of Holy Family English Medium School, Thalassery. She has not completed seven years. But she has sung more than 5,000 songs, can sing in 11 languages and has given more than 500 stage programmes all over India.

In February, this year, Alka performed for the Guinness Record of `Youngest Musician in Asia', at Muthalakkodam, Thodupuzha. The function was organised by Muthalakkodam Jaycees and World Wonders Web, which is an international miracle performers association.

Alka gave her first public performance when she was two and a half years old. She sang the Hindi super hit "Soldier ... ... Soldier... ". The programme was organised to remember Kargil heroes. When she was four she cut her first audio album, "I love my India". The album had eight patriotic songs. Besides this album, she also has audiocassettes to her credit. Recently she has sung songs in Chinese, French and Arabic. But she likes to sing Malayalam songs best.

Alka, daughter of M.P. Ajith Kumar and K. Sajitha, of Mandala Parambath, Kavumbhagam, Thalassery, comes from a family of musicians. Ajith Kumar is a professional musician and organist. He now runs Alka's Orchestra, `Sangeeth Sagar'. Ajith Kumar is not only Alka's inspiration but her guru too. "We are proud of Alka," says P. Chandran, Principal, Holy Family.

Alka entered the Limca Book of World Records in 2003. She has won many awards including Bharatheeya Gourav Puraskar, New Delhi in 2003, Sauparnika Theeram Mini Screen Award in 2004, Thalassery Drishya Kala's A. T. Ummer Award in 2004, International UNESCO Club of Repalle (A.P) award and Gold Medal in 2001 and the Rotary International achievement award and gold medal in 2002.

Most of Alka's concerts are held during holidays and the vacation. Her father composes all her songs. Her next project is an album on pop songs and performances in the Gulf countries and the U.S..
நன்றி: தி ஹிந்து

இவர் சாதனைக்கு நெஞ்சார்ந்த பாராட்டுகள்.....

இப்படிப் பட்ட இளம் இசைகுயில்களை அடையாளம் கண்டு ஊக்குவித்து உலகுக்கு அறிமுகம் செய்யும் விஜய் டி.வி க்கு பாராட்டுகள். தொடரட்டும் அதன் சேவை. பாலைவனத்தின் பாவமண்ணில் இருந்தாலும் அடிக்கடி பால் வார்ப்பது இதுபோல் சிறு சிறு சந்தோஷங்கள்.அல்காவின் ஒரு அழகான பாடல் இங்கே...

பரிசு வாங்கிய அந்தத் தருணம்...

இந்த மகிழ்ச்சியில் என்னோடு பகிர்ந்து கொண்ட அணைத்து அன்பு உள்ளங்களுக்கும் மனமார்ந்த நன்றிகள்...நன்றிகள்...நன்றிகள்...

அன்பு மகன் தமிழுக்கு அப்பா எழுதுவது...(ஒரு பக்க கதை)

2010-06-14T20:20:00.000+03:00

என் பெயர் தமிழ் வாணன்.அப்பாதான் ஆசையா வச்சாராம் அம்மா சொல்லுவாங்க. இப்போ அவரே இல்ல...சமீபத்தில்  காலமாயிட்டார். அவரு சும்மா போகல எனக்கும் உங்களுக்கும் ஒரு பாடம் சொல்லீட்டு போய்ட்டார்....

அது மரண ஓலம் அடங்கி இருந்த   வீடு...கிராமம் என்பதால் நிறைய சொந்தங்களும் அறிந்தவரும் அறியாதவரும் கூட வந்து எனக்கு ஆறுதல்கூறி  சென்றார்கள்.என் மனைவிக்கு, நெருங்கிய சொந்தங்களைகூட தெரியவில்லை,அடிக்கடி வந்து இவர் யார் அவர் யார் என்று கேட்டுகொண்டே இருக்கிறாள்.அவளுக்கு மாமனார் இறந்ததை விட இது பெரிய கவலை.பிள்ளைகள் இருவரும் ஒரு மூளையில்; தாத்தா இறந்து விட்டார் என்பதை தவிர அங்கு நடப்பதையும் அங்கு வருபவர்களையும் புதுசா பார்த்து தங்களுக்குள் ஏதோ   பேசிக்கொள்கிறார்கள்.

பிள்ளைகளுக்கு இது கோடை விடுமுறை என்பதால் ஆகவேண்டிய   காரியங்களை இருந்து  ஆற அமர செய்யறேன் நான்.மனசுக்கு அது ஒரு ஆறுதல்.என் மனைவிக்கு அதுவே ஒரு பெரிய கவலை மனுஷன் இங்கே டேரா போட்டுருவாரோனு. தூரத்தில்  ஒரு ''பெருசு'' பேசுவது காதில் விழுந்தது.''ஒத்த ஆம்பலபுள்ளைய பெத்துட்டு பெருசு இவ்ளோ காலமா தனி கட்டையவே இருந்து, போயும் சேந்துருச்சு''.....''நல்ல மனுஷன் பா கடைசி காலத்துல பேரன் பேத்திகளோடு இருக்க ஆசை பட்டுச்சு பாவம் அதுக்கு தான் குடுத்து வைக்கல''.எனக்கு மனசுல ஏதோ சுருக்குனு குத்துன மாதிரி இருந்துச்சு.!!

மனைவி அவளுடைய வேலையை பார்க்க ஆரம்பித்தாள். வீட்டில் இருந்த பழைய பொருளையெல்லாம் எடுத்து வீசிவிட்டு சுத்தம் செய்ய ஆயத்தமானாள்.அவளோடு நானும். அப்போதுதான் அது கண்ணில் பட்டது.அப்பாவின்   அலமாரியிலிருந்து  ஒரு  சிறிய பார்செல் அதில் அன்பு மகனுக்கு என்று  அவர்கைபட எழுதி  இருந்தது. உள்ளே இருப்பது ஒரு டைரி அல்லது எதாவது முக்கிய ஆவணம்  இருக்க வேண்டும் என்று அவள் சொன்னாள். மற்ற வேலைகளை அப்படியே போட்டு விட்டு அதை இருவரும் ஆர்வமாய் பிரித்தோம்.ஒரு அதிர்ச்சி காத்திருப்பது அப்போது எங்களுக்கு தெரியாது.

ஆம் அவள் உகித்ததுபோல அது ஒரு டைரிதான்.ஆனால் அப்பாவுக்கு டைரி எழுத்தும் பழக்கம் இல்லை அப்போ இது எதற்கு?! என்று இன்னும் ஆர்வம் அதிகமானது.முதல் இரண்டு பக்கங்களை புரட்டியதும் சில 500 ரூபாய் நோட்டுகள்.அடுத்தடுத்து  சில பக்கங்கள் விட்டு வரிசையாக 500 ,100 ,50 ரூபாய் நோட்டுகள்.அனைத்தையும் எடுத்து சேர்த்து கொண்டிருந்தாள் அவள்.கடைசி பக்கத்தில் ஏதோ எழுத பட்டிருந்தது.அதை நீங்களே படிங்க என்று அவள் சொன்னாள்.நான் படிக்க ஆரம்பித்தேன் அதில்...

அன்பு மகன் தமிழுக்கு அப்பா எழுதுவது.
நான் நலம் நீ,உன் மனைவி,பிள்ளைகள் நலமா??
போன முறை நீ என்னை பார்க்க வந்த பொது நடந்தது உனக்கு நினைவில் இருக்கா தெரிய வில்லை.நீ உன்னோடு வர கட்டாய படுத்தியும் நான் வரமறுதேன்.எனக்கு உங்களோடு இருக்க ஆசைதான் அனால் அந்த நகரத்து சூழ்நிலை எனக்கு ஒத்துவரவில்லை என்பது நீ அறிந்ததே. நான் உன்னிடம் வருடா வருடம் விடுமுறைக்கு மட்டும் தவறாமல்  பிள்ளைகளோடு வரச்சொன்னேன்.நீ அதற்க்கு சில  காரணங்கள் சொன்னாய் உனக்கு நினைவிருக்கும் என்று நம்புகிறேன்...எனக்கு அது மனசில் ஓடியது...

''இல்லபா! அது ரெம்ப கஷ்ட்டம் பா... பிள்ளைகளுக்கு மட்டும் தான் விடுமுறை எனக்கும் அவளுக்கும் ஆபீசில் லீவு வாங்குவது ரெம்ப கஷ்ட்டம் பா.அப்படி லீவு  கொடுத்தாலும் சம்பளத்தில் பிடித்து கொள்வார்கள்.பிள்ளைகளுக்கு ஸ்கூலையே சாம்மர் கிளாஸ் அது இதுன்னு ஆரம்பத்திலேயே காச கறந்துடுறாங்க. அதுவும் நஷ்ட்டம் தானே பா.இது இல்லாம இங்க வர ரயில் செலவு அந்த செலவு இந்த செலவுன்னு பத்து, பதினஞ்ஜாயிரம் வீனா போகுது.அலைச்சல் வேற.சென்னைக்கு போனதும் காயிச்சல் தலைவலின்னு அது ஒரு செலவு.எவ்வளவுதான் பா நானும் சமாளிக்குறது.முடிஞ்சா அங்க வந்து எங்க கூட இருங்க இல்லனா நான் மட்டும் அப்பப்ப வந்து பாத்துக்குறேன்.அவ்ளோதான் என்னால பண்ணா முடியும்.அப்பா வாயடைத்து போனார்.மீண்டும் கடிதம் தொடர்தேன்...

அதனால் தான் நீ இவ்வளவு நாள் அனுப்பிய பணத்தை கொஞ்சம் கொஞ்சமா  சேர்த்து,மற்றும் நம்ம தோட்டத்துல வந்த காய்கறில வந்த பணம் சேர்த்து. இதில் பதினஞ்ஜாயிரம் இருக்கு. நீங்கள்  என்னை பார்க்க வர கொடுக்கும் விலைக்கு இது சரியா இருக்கும்னு நெனைக்குறேன்.இந்த ஒருதடவை மட்டும் எப்படியாவது நீங்கள் அனைவரும் ஊருக்கு வரவும்.
இப்படிக்கு,
அன்பு அப்பா.

என்னை ஓங்கி யாரோ அரைந்தது போல் உணர்ந்தேன்.
நான் ஹாஸ்டலில் படிக்கும்போது ஒருவாரம் கூட பார்க்க வராமல் இருந்ததில்லை. அவரின் ஆத்மாவை   இத்தனை காலம் தவிக்கவிட்டு நான் வாழ்வில் என்ன சாதித்தேன்???என்னை அறியாமலே அழுதேன். வெகுநேரமாய் பிள்ளைகள் என்னையே கவனித்து கொண்டிருந்தார்கள்.

கண்டம் கடந்த புயல்...

2010-06-11T03:03:00.001+03:00

தெற்கிலிருந்து ஒரு சூறாவளி மேற்கு நோக்கி...
ஆரம்பமானது இசை புயலின் சுறாவளி பயணம்...
கரை கடந்த புயல் இப்போது கண்டங்கள் கடந்தும்...
நாளை பிரபஞ்சமும் கடக்கலாம்...ஜெய் ஹோ..

உன் பார்வை சரி இல்லை கனி...

2010-06-08T19:57:00.001+03:00

இந்த அழகுராணி பட உபயம் தமிழ்த் தோட்டம் (முக புத்தக அக்கா).

போனவாரம் என் அறையில் நடந்த சூடான ஆரோக்கியமான விவாதம்.என் சக நண்பருக்கும் எனக்கும் நடந்தது.அதை உங்களோடு பகிர்ந்துகொள்கிறேன்.(தேவையா உனக்கு??)

அவர் வடஇந்தியர். டி.வியில் ஏதோ ஒரு சேனலில் கல்லூரி பெண்களின் பல்சுவை நிகழ்ச்சி வந்துகொண்டிருந்தது.அதை பார்த்து கொண்டிருக்கும் போதே என்னை அழைத்தார். ''கனி பார்த்தாயா இந்த காலத்து பெண்களின் ஆடை நாகரீகம் எவ்வளவு மோசமாகிவிட்டது'' என்று. வாய்க்கு வந்தபடி எல்லாம் பேசினார்.நான் பொதுவாக இதுபோன்ற விவாதங்களில் தலை ஏன்??வாலை கூட நுழைப்பது இல்லை. (அடிச்சுருவாங்களோனு பயம்)நானும் ஆமாம் போட்டு விட்டு வழக்கம் போல் பதிவுகள் படிக்க அமர்ந்து விட்டேன்.

அடுத்த சில தினங்களில் என்னிடம் வந்து. அவர் குடும்பம், கோடை சுற்றுலாவில் எடுத்த புகைப்படங்கள் மெயிலில் வந்திருக்கு என்று என்னையும் பார்க்க அழைத்தார். பார்த்து கொண்டிருக்கும் பொது அவரின் 12   வயது மகள் அணிந்திருந்த உடையை காண்பித்து இது நான் விடுமுறை முடிந்து வரும்போது அவளுக்கு ஆசையாய் வாங்கித்தந்தது விலை  2000௦௦௦ ௦ரூபாய் என்றார்.(பெரிய ஆளுதான்பா !!)நான் கிண்டலாய் சொன்னேன் என்ன?ஜி நம்ம ஒரு 500 ரூபாய்க்கு துணி எடுத்தா ரெண்டு செட் தச்சுருவோம்.இந்த உடையில் துணி கம்மி இத போய்   2000ரூபாய்க்கு வாங்கி இருக்கீங்களே ஜி என்றேன்.
(மகனே உனக்கு நாக்குல சனி  டா)

கடுப்பானவர் '' என்ன? கனி எந்த உலகத்தில் இருக்க  ?!! (அவனா ?? கனவுலகத்துல)இப்போ இதுதான் பேசன் என்றார்.ஒ அப்போ இதே பேசன்தானே அந்த கல்லூரி பெண்களுக்கும் என்றதும்(பார்ரா பாய்ண்டா புடிக்குறாராம்)   . அவர் அவர்கள் பெரிய(வயதுவந்த) பெண்கள்,குழந்தைகளுக்கு இப்போது போட்டு அழகு பார்க்காமல் பிறகு எப்போது பார்ப்பதாம் (அதானே) என்றார்.ம்ம் ம்ம் இப்படித்தான் நம் விருப்பங்களை அவர்கள் மேல் திணித்து விட்டு வளர்ந்ததும் அவர்களின் உடை சரி இல்லை, நடை சரியில்லை என்பீர்கள் என்றேன். கொஞ்சநாளுக்குதானே பின் அவர்களை நம்வழிக்கு கொண்டு வந்து விடுவோம் (நாங்கலாம் யாரு)என்றார்.

அப்படி உங்கள் விருப்பத்திற்கு ஆட்டிவைதால் அவர்களுக்கு மனஉளைச்சல் வரும்தானே.''போன வருடம் இவர்களேதான் இதே போல் உடை வாங்கி கொடுத்தார்கள்!! இப்போது நாம் அதையே விரும்பினால் வேண்டாம் என்கிறார்களே'' என்றும் இனி நின்னா குத்தம்! உக்காந்தா குத்தம் சொல்லிட்டே இருப்பாங்க இதேல்லாம் காதில் வாங்கவேண்டாம் என்று நினைக்க வாய்பிருக்கு இல்லையா?.(அட) உன் பார்வை சரி இல்லை கனி (அவ்வவ் ஆமாவா??) நல்ல குடும்ப பிள்ளைகள் அப்படி நினைக்க மாட்டார்கள் நாம் சொல்வதை உடனே கேட்டுக்கொள்வார்கள் என்றார்.ஆஹா ரூட்டு மாறுதே கைபுள்ளே அடங்கு என்று நான் அமைதியானேன்.(கொஞ்சம் விட்டா கும்மி அடிச்சுருவாங்க).

பிறகு அதை பற்றி கொஞ்சம் யோசித்தேன்...அட நம்புங்க மக்கா...(நம்பிட்டோம்)
சில திருமணவிழாக்களில் பிள்ளைகள் படும் பாட்டை பார்த்திருக்கிறேன்.அவர்கள் போட்டிருக்கும் ஆடைகளால் சுதந்திரமாய் ஓடிஆடக் கூட முடியாமல் தவிப்பதை. ஒன்று நீளமான ஆடையாக இருக்கும்  தரையில் தேய்த்து அழுக்கானால் அடி!!(அப்றம் என்ன கொஞ்சுவாங்களா??)என்று அதை தூக்கி பிடித்து கொண்டு அலைவார்கள். அடுத்து காற்று புக முடியாத இறுக்கமான ஆடைகள் அதை அடிக்கடி இழுத்துவிட்டு கொண்டு திரிவார்கள்.அடுத்து ரெண்டுக்கும் நடுவில் நவநாகரீக(!!!!) ஆடை. சில குடீஸ்களுக்கு அவர்களின் பிஞ்சு உதட்டில் லிப்ஸ்டிக் அப்பிவிட்டு நாள் முழுதும் உதடு (ஒட்டாமல்)குவித்தவன்ணமாய் இருப்பார்கள் பேசக்கூட  தவிப்பார்கள்(பேசுறதா முக்கியம்). அப்படி குழந்தைகளை பார்த்தால் நானே துடைத்துவிட்டு சில அக்காக்களிடம்  திட்டும் வாங்கியதுண்டு.(பின்ன எவ்ளோ கஷ்ட்டபட்டு மேகப் பண்ணிருப்பாங்க) பையன்களையும் விட்டு வைத்தோமா!!   ஐந்து வயது வாண்டுக்கு கோட்டு,சூட்டு,கூலர்ஸ்(டேய் உன் போட்டோவ கொஞ்சம் பாரு) சகலமும் போட்டு இறக்கை துண்டித்த குஞ்சுகளாய் பொம்மை போல் வளம் வருவதையும் பார்த்து இருக்கிறேன்(ஐயோ இங்கேயுமா!!).எனக்கு என்னவோ இது சாதரணமான விவாதமாய் தெரியவில்லை மக்கா விழித்து கொள்வோம்.(அப்போ நாங்க தூங்கிட்டா  இருந்தோம்)

(வந்துட்டாயா புத்தி சொல்ல....!!!)ஐயோ!! இது என்ன நம்ம கனவுல இது புது தினுசா இருக்கே !!!இப்டிலாமா கனவு வரும்??(டேய்...டேய்..டேய்...) ஆமா இப்போ நான் என்ன எழுதவந்தேன்.என்ன எழுதுனேன் ஒண்ணுமே புரியல...மக்கா உங்களுக்கு எதாச்சும் புரிஞ்சதா?? பின்னூட்டத்தில் சொல்லுங்க (ஓட்டு கேக்கல??)நான் என்ன உளறி வச்சுருகேன்னு நானும் தெரிஞ்சுகிறேன். (பார்ரா....)இந்த இத்து போனவே வேற நாட்டுக்கு நாலு நல்லது சொல்ல விடுறானா... நான் வாறேன்...(ப்ளீஸ்....)

இது காதல் கடிதம் அல்ல...10(தொடர்க(வி)தை)

2010-06-06T20:49:00.001+03:00

தொடர்க(வி)தை கொஞ்சம் நீளமாக இருக்கும் கடைசி வரை கண்(கருணை) வைக்கவும் க(வி)தைமேல்...

புதிதாய் படிப்பவர்களுக்கு முன் க(வி)தையின் எல்லா பாகமும் இங்கே..

ஆரம்பமானது அவள் நினைவுகளின் அழிச்சாட்டியம்...
நிஜங்களை தொலைத்து விட்ட-என்
நிசப்த்த இரவுக்குள்;
முத்த சத்தத்தோடு முதலாய் வந்துவிடுகிறது
அவளின் அசூர நினைவுகள்.

கவலைகளை கையமர்த்திவிட்டு;
இதயத்தின் அருகே அழுத்தமாய் அமர்ந்து கொண்டு;
இதயஅறுவை சிகிச்சை ஒன்றுக்கு ஆயத்தமாகிறது.

அறுத்த இருதயத்தின் பேருத்த குருதியை குடித்து விட்டு
அசைவமாகிறது அவளின் சைவநினைவுகள்.

ரத்தம் தீர்த்ததும் சத்தம் போடாமல்;
நாடுகளை பிரிக்கும் கோடுகளாய்;
நான்கு அறை இதயத்தை நூறு;கூறு போட்டு
விலாஎழும்புகளை எரித்து விளக்கேற்றி -அதில்
உயிர் உருக்கி ஒவ்வொரு துண்டுகளிலும்
ஊற்றி துடிக்கவிட்டு தொலைந்து போனது.

நூறு இதயத்தின் பேரு துடிதுடிப்பின் அதிர்வில்
நொறுங்கி விடும்போல் இருக்கு நெஞ்சாங்கூடு.

இதயங்கள் இடம்மாறிமாறி துடிக்கும்

இம்சையில்; வந்த தூக்கம் வாசலிலே

உறங்கிவிட்டு திரும்புகிறது தினமும்.

எப்போதும் இருப்பாய் என்றபோது

இருந்த இடம் தெரியாத அழுகை-இனி நீ
இல்லை என்றதும் இமைகளில்
இறங்கிவந்து என்னை இறந்துவிடச் சொல்கிறது.

இரவு நேரம் வந்துவிட்டால்
இதயக் காய்ச்சல் வந்து;
இறந்துவிடுகிறது ஒரு இதயம்.

எத்தனை முறைதான் செத்துப்போவேன்!!!???
எல்லோருக்கும் உயிர்வாங்க ஒருமுறை வரும் எமன்
எனக்குமட்டும் இன்னும் எத்தனை முறைதான் வருவானோ??

சரிதான் கணக்கு சரிதான்!!
நூறு இதயத்தை ஒவ்வொன்றாய்தானே
உயிர்வாங்க வேண்டும்..!!!

கூடாது! உன் இளமை இருளிலேயே
இருந்துவிடக்கூடாது!!!
கூடாது! நூறாவது இதயமும்
இறந்துவிடக்கூடாது!!-அதற்குமுன்;
''ஓடு அவள் இருக்கும் திசை நோக்கி! ஓடு''
மார்பை கிழித்தாவது -உன்
இதயத்துடிப்புகளின் இரைச்சலை அவளின்
இரவுகளில் பதிந்துவிட்டு வா''
சொன்னது காதல் சுலபமாய்.
இருந்தாலும் விரைந்தேன்
அவளின் விலாசம் தேடி..(தொடரும்)

எனக்கு பிடித்த பத்து படங்கள்...(தொடர் பதிவு)

2010-06-04T06:38:00.002+03:00

முதலில் இந்த தொடர் பதிவுக்கு என்னையும் அழைத்த ஹரீஷ்க்கு நன்றி...இந்த பதிவை எழுத ரெம்ப யோசிக்க வேண்டியதாபோச்சு.அதனால் தான் ரெம்ப தாமதமா இந்த பதிவு.காரணம் அதிகம், படம் பார்ப்பது இல்லை விமர்சிக்கவும் தெரியாது ஏதோ என் நியாபகத்தில் இருக்கும் எனக்கு பிடித்த (உங்களுக்கு..??)படங்கள் இதோ...

1 )ஜுராசிக் பார்க்
பிடித்த படம் என்பதைவிட வியந்த முதல் படம் என்று சொல்லலாம்.அதுவரை கற்பனைகூட செய்து பார்த்திராத ஒரு பெரிய விலங்கை நேரே பார்த்து விட்ட ஒரு முதல் பிரம்மிப்பை தந்த படம் என்று சொல்லலாம்.அந்த அருவி காட்சி இன்னும் கண்ணு முன்னாடி இருக்கு.சில காட்சிகளுக்கு அம்மாவின் இருட்டு மடி தேடி குருட்டு பயம் புதைத்த முதல் அனுபவமும் தந்த படம்.டினோசர் படம் போட்ட ஸ்கூல் பேக் வாங்கித்தர சொல்லி உண்ணா விரதம்லாம் இருந்ததுண்டு.அந்த நியாபகம் தான் வரும்.

2)அஞ்சலி:
1990 அந்த காலகட்டத்தில் அப்போ எனக்கு ரெம்ப பிடிச்ச படம்.ரேவதி ஷாம்லி ரெண்டுபேரோட உணர்வுகள், வாண்டுகளின் அட்டகாசம்.மணிரத்னம் சாரின் விதயாசமான இயக்கம், வசனங்கள் பாடல் எல்லாமே என்னை மிகவும் கவர்ந்தது.படத்துல ஒரு காட்சி வரும் ஷாம்லி அம்மா ரேவதிய கண்ணு,மூக்கு,வாய் எல்லாம் தொட்டு பார்த்துத்து கடைசியா அரஞ்சுட்டு சிரிப்பா. அந்த காட்சிய மனசுல வச்சுகிட்டு அடுத்தநாள் ஸ்கூலுக்கு போய் நண்பர்கள ஒவ்வொருத்தனா கூப்பிட்டு கண்ணு,மூக்கு,வாய் ஒவ்வொன்ன தொட்டு பார்த்துட்டு அடுத்து (அதேதான்) ஒரு அரைய விட்டு ஓடியே போய்டுவேன்.அது எனக்கும் நடந்தது வேற விஷயம்.

3)புதிய மன்னர்கள்:
இந்த படம் எத்தனை பேர் பாத்திங்கனு தெரியல.இளைய சமுதாயத்தால எதுவும் பண்ண முடியும் என்பதை சொல்ற படம்.விக்ரம்,மோகினி,தாமு,விவேக் இன்னும் நிறைய பேர் நடிச்சுருபாங்க.கலாட்டாவான கல்லூரில ஆரம்பிச்சு மாணவர்களின் மோசமான முடிவுகளின் விளைவுகளை சொல்லி, கடைசியா சரியான பாதைய காட்டும் படம். இசை ஏ.ஆர்.ரகுமான்.

4)மைகேல் மதன காமராஜன் :
இன்றும் டி.வி.ல இந்த படம் வந்தா முழுதாய் இருந்து பார்த்து விடுவேன்.ஒவ்வொரு காட்சியும் சிரிச்சு ரசிச்சு படம் எப்போ தொடங்குச்சு எப்போ முடிஞ்சுசுனே தெரியாது.(படம் பாக்காம தூங்கிட்டா அப்டிதான் இருக்கும்).
ஒவ்வொரு கட்சியும் திரும்ப திரும்ப பார்த்தாலும் அலுக்காது.அந்த பீம்பாய்..பீம்பாய் வசனம் அப்போ ரெம்ப பிடிச்ச வசனம்.

5)மகாநதி:
நான் உணர்ச்சிவசப்பட்ட முதல் படம்னு நினைக்குறேன்.ஆரம்பமே பாரதியார் கவிதையோட படம் ரெம்ப மகிழ்ச்சியா ஆரம்பிக்கும்.போக போக ஒவ்வொரு காட்சியும் மனச துளைச்சு உள்ளபோய் ஆழமா அழுத்தி ஒட்டிக்கும்.ஒரு ரெண்டு நாளைக்கு அந்த தாக்கம் போகாது.அந்த பொண்ணு தூக்கத்துல பேசும்போது ஒரு தகப்பனோட மனவேதனை,கோபம் எல்லாமே பதிவு பண்ணிய எதார்த்தங்களை மீறாத படம்.

6)பம்பாய்:
ஒரு அழகான காதல்ல ஆரம்பிச்சு மனிதத்தை ஒன்னு சேர்க்கும் படம்.ஏ.ஆர்.ரகுமான் இசை எனக்கு அந்த படத்துல இருந்து ரெம்ப பிடிக்க ஆரம்பிச்சது.அதுல இருந்து ரஹ்மானோட எந்த படம் வந்தாலும் படத்தின் பாடல்கள் எங்க தெருவில் முதலில் எங்க வீட்டில்தான் கேக்கும்.அத்தா (அப்பா) கிட்ட அடம்பிடிச்சு கேசெட் வாங்கிட்டுவர சொல்லுவேன்.ஒரு கட்டத்துல அவருக்கும் பிடிச்சுபோய் தீவிர இளையராஜா ரசிகனா இருந்தவர் ரகுமானுக்கும் ரசிகனா மாறிட்டாரு.படத்துல அந்த இறுதி கட்சி அமைத்த விதமும் பின்னணி இசையும் மனதை ஏதோ செஞ்சுடும்.

7)உயிரே...:
முதல் முறையா அண்ணாசாலை தேவி தேட்டரில் டிக்கெட் புக் பண்ணி பார்த்த முதல் படம். டப்பிங் படம் என்பதலையோ என்னவோ கதை நிறைய பேருக்கு பிடிக்காம (புரியாம )போச்சு.தீவிரவாதம் எவ்வளோ கொடுமையானதுன்னு சொல்ல ஒரு காதலே அழிஞ்சு போய்டும். எனக்கு பிடிச்ச கதை. இசை, ஐயோ!!! இப்பவும் அந்த படத்தின் பாடல்கள் எங்க கேட்டாலும் அப்டியே நின்று விடுவேன்.முதல் முறையா சி.டி. ல கேட்ட பாடல்கள்.ஒவ்வொரு பாட்டின் வரிகளும் வைரமுத்து சார் ரசிச்சு எழுதி இருப்பாரு.எல்லா பாட்டையும் மனப்பாடம் பண்ணி பாடிட்டே இருப்பேன்.என் அக்கா கிண்டல் பண்ணுவாங்க ''ஏண்டா புஸ்தகத்துல இருக்குற பாடம் மனப்பாடம் பண்ண சொன்னா உனக்கு வலிக்கும் பாட்டு மட்டும் ஒருவரி விடாம பாடுவ'' னு. வைரமுத்து சார் பாடல்களை அப்போ இருந்துதான் சுவாசிக்க ஆரம்பிச்சேன்.யாரவது பாட்டு வரிகளை தப்பா பாடுனா எனக்கு கெட்ட கோபம் வரும்.தெரிஞ்சா பாடு இல்லனா பாடதனு சொல்லுவேன்.

8)காதல்:
இந்த படம் பிடிக்க ஒரு முக்கிய காரணம் இருக்கு.இந்த படம் வர்றதுக்கு ஒரு வருடம் முன்னால இதே கதை என் நண்பன் வாழ்வில் நடந்துச்சு.அவன் மதுரைல இருந்து அடைக்கலம் தேடிவந்தது சென்னைல என்கிட்டதான்.எனக்கு அப்போ விபரம் சரியா தெரியாது.நான் நேர எங்க அம்மா கிட்ட கூட்டிட்டு போய் விட்டுட்டேன். அப்பறம் அவங்கள படத்துல வர்றமாதிரி பிரிச்சுடாங்க(அந்த பாவம் உன்னை சும்மா விடாது).ஆனால் அதுதான் சரியான முடிவுனு அப்பறம் புரிய ஆரம்பிச்சது.அவன் கதைய அப்டியே பார்த்த படம்.(படத்த பத்தி ஒருவார்த்தை கூட சொல்லவே இல்லையே...)அட ஆமாம் உனக்கென இருப்பேன் பாட்டு ரெம்ப பிடிக்கும்.போதுமா...?!!!.

9)பசங்க:
படம் பாக்கும்போது மறுபடியும் பள்ளி பருவத்துக்கு திரும்பி போன அனுபவம் கொடுத்த படம்.நம்ம பண்ணுன குறும்ப எல்லாம் மறுபடியும் பண்ணா சொல்லி ஆசைய தூண்டி விட்ட படம்.கடைசிகட்ட காட்சி கண்கலங்க வச்சுடுச்சு.என்னையே அறியாம கைதட்டிட்டேன்.மறக்க முடியாத படம்.''மழை இன்று வருமா'' பாடல் ரெம்ப பிடிக்கும்.

10 )அங்காடிதெரு:
இந்த பத்து தடவைக்கு மேல பார்த்துட்டேன்.இன்னும் பாத்துடே இருக்கேன்.ஒரு தைரியமும் தன்னம்பிக்கையும் கொடுக்குற படம்.அத ஒரு ஜவுளி கடைல நடக்குற கதையா பார்க்க முடியால. எல்லா இடத்துலையும் ஏன் சொல்ல போன வெளிநாட்டுல வேலை செய்றவங்களுக்கும் இந்த கதை பொருந்தும்.கால் சென்டர் ஆளுக்கும் இது பொருந்தும்.எனக்கு அப்டித்தான் பார்க்க தோணுது.எதார்த்தங்களை மீறாத படம்.படம் முடியும் பொது உங்கள் பின்னுட்டம் போல ஒரு உற்ச்சாகம் கொடுக்குற படம்.''கருங்காலி'' தவிர எல்லா பாடல்களும் பிடிக்கும்.

உங்களுக்கு பிடிச்சிருக்கா??

இதுவரை பொறுமையா படிச்ச அணைத்து நல்லா உள்ளங்களுக்கும் நன்றியோ...நன்றி.எனக்கு தெரிஞ்சு அனைவரும் எழுதிட்டாங்க.(அவ்ளோ நாளா நான் யோசிச்சுகிட்டே இருந்திருக்கேன்...)தொடர விருப்பம் உள்ளவர்கள் தொடரலாம்.

பாரு பதிவு நூறு...

2010-06-01T00:21:00.004+03:00

தலைப்ப பார்த்ததும் பயபுள்ளைக்கு   நூறு இடுக்கை போட்டதும் தலைகனம் வந்துருச்சுன்னு யாரும் தப்பா நினைக்காதிங்க இது என் எதிரி ஒருத்தனுக்காக வச்சது.இத படிக்கும் போதெல்லாம் அவன் மூக்கு முன்னூறு பீஸா  வெடிச்சு சிதறனும்.அவன் கதறி கண்ணீர் விட்டு மன்னிப்பு கேக்கணும்.உன்னை இனிமேல் அப்படி சொல்ல மாட்டேன்னு என் கால பிடிச்சு கெஞ்சனும்...

நான் எந்த முயற்சி எடுத்தாலும் என்ன தடுக்காம இனி என் பாதைல அவன் வராம இருக்கணும். என்னோட விஷயத்துல இனி தலையிட கூடாது.என் பதிவுக்கு ஒட்டு  விழாம இருக்கும் பொது உனக்கு எழுத தெரியல இங்க இருந்து கெளம்புனு என்னை விரட்டாம இருக்கணும்.என் கவிதைகளை கிண்டல் பண்ணி என்னடா ரசனை இதுன்னு கடுப்பேத்த கூடாது.நான் மொக்கை பதிவு எழுதுனா வேணும்னே விழுந்து விழுந்து சிரிச்சு காயங்களோட கன்றாவியா வந்து முன்னால நிக்க  கூடாது. என் சகாக்கள் சகிக்களோட பதிவ படிக்கும் பொது சனியன் மாதிரி சவுடால் காட்ட  கூடாது.பின்னுட்டம் போடும்போது இவங்க உன் பதிவு பக்கமே வரலையேன்னு பாசாங்கு காட்டி பாசமில்லாம பேச கூடாது. புது பதிவர்களுக்கு கொஞ்சம் அட்வைஸ் பண்ணா உனக்கு இதெல்லாம் தேவையான்னு தேவை இல்லாம கேக்க கூடாது.தமிழ்மணம் என்னை தள்ளிவிட்ட போது தப்பு தாளம் போட்டானே அது கூடவே கூடாது.முக்கியமா என் பக்கத்துலையே அவன் வரகூடாது.இனிமேல் அவனோட ஒவ்வொரு செயலுக்கும் கட்டாயம் பதிலடி இருக்குனு அவன் புரிஞ்சுக்கணும்.அதுக்காகத்தான்.

இனிமேல் அவன் என்னை தொல்லை பண்ணா ஈரோடு கதிர் அண்ணே கம்முனு  இருக்க மாட்டாரு...
சுசிக்கா சும்மா இருக்க மாட்டாங்க....
ஸாதி(கா) அக்கா சாதரணமா இருக்க மாட்டாங்க...
அன்புடன் மலிக்கா அக்கா வம்புடன் வருவாங்க...
''என் மனதில் இருந்து''  பிரியா பிரிச்சு மேஞ்சுடுவாங்க.
ப்ரியமுடன் வசந்து வாங்கு வாங்குன்னு வாங்கிடுவான். தேனக்கா திட்டியே தீர்துடுவாங்க...
ஜலி அக்கா ஜக்கம்மா ஆய்டுவாங்க...
நிலாமதி அக்கா நிக்கவச்சு சுடுவாங்க...
பிரியாணி நாஸியா  உனக்கு அவங்க கையால பிரியாணி செஞ்சு பார்ஸல் அனுப்புவாங்க...
மித்திரன் சார் குத்தற சாரா ஆயிடுவாரு...
கமலேஷ் கடுப்பா ஆய்டுவாரு...
காமராஜ் அண்ணா உன்னை கடிச்சுருவாரு...
மங்குனி உனக்கு சங்கு ஊதிடுவாரு...
நிஜாம் அண்ணா நெருப்பா ஆயிடுவாரு...
சிறகுகள் சிவாஜி சீறும் சிங்கமா ஆயிடுவாரு...
ட்ரீமர் ஹரீஷ் சொல்லவே வேண்டாம் பேய் கதை  சொல்லியே உன்னை பீஸ்..பீஸா கிழிச்சுறுவாரு...
மச்சான் உன்னை உச்சா போக வச்சுடுவாரு...
பழனி சுரேஷ் அண்ணா சூப்பு வச்சு குடிச்சுருவாரு... தமிளுதயம் ரமேஷ்ஜி ரவ்டியோட வந்து ரணகளம் பண்ணிடுவாரு...
பல்லு டாக்டர் ரோகினி உன் பல்ல உடச்சு  பல்லாங்குழி ஆடுவாங்க... பலா பட்டறை ஷங்கர்ஜி பதிவெல்லாம் ஒரே நாள் படிக்க வச்சு பழி வாங்குவாரு...
பாலாசி உன்னை பஸ்பம் ஆக்கிடுவாரு....
விழியும் செவியும் பிரபா உன்னை சிலோனுக்கு நாடு கடத்திடுவாரு...

நல்லா பாத்துக்கடா எனக்கு இவ்ளோ சொந்தங்கள் இருக்கு இன்னும் லிஸ்ட்ல நிறைய பேர் இருக்காங்க அது மட்டும் இல்ல தமிளிஷ்,உலவு,திரட்டி,தமிழ் 10 ,தலைவன்... இப்படி பெரிய பெரிய பதிவ பாப்புலரா ஆக்குற பாசக்கார பங்காளிங்க இருக்காங்க...
டேய் என்னடா பேன்ட் ஈரமாகுது..!!! இதுக்கே நீ இடிஞ்சு போயிருப்ப பாவம் போழச்சுபோ...

ம்ம்ம்ம்...கேக்குது மக்களே அவன் யாருனுதானே கேக்குறீங்க..???அவன்தான்!!! பதிவு எழுத நினைக்கும் பொது இதெல்லாம் இது ஒரு பொளப்புன்னும்.வந்த புதுசுல என்னை ரெம்ப பயம் காட்டுன பய. என் சொந்தங்களின் பதிவ படிக்கும் பொது பேசாம தூங்குனு என்னுடைய எல்லா செயலுக்கும் முட்டு கட்டையா இருக்குறவன்.இருந்தாலும் அவன எனக்கு ரெம்ப பிடிக்கும்.அவன் கூட சண்டை போட்டு போட்டு தடைகளை ஒடச்சு முட்டி எழுந்துச்சு ஒவ்வொரு தடவையும் அவன் மூக்கை உடைக்கும் போதும் அவன எனக்கு ரெம்ப பிடிக்கும்.ஐ லவ் யு டா... நீ இல்லனா என்னால இவ்ளோ தூரம் வந்திருக்க முடியாது. நீ ஒவ்வொரு தடவ தோற்கும்  போதும் நான் ஜெய்க்குறேன்.நன்றி டா..

சரி சரி வந்துட்டேன்...அவன்தான் எனக்குள்ள இருக்குற சிங்கத்த ஏ/சி போட்டு தூங்க வைக்குற என்ன சோம்பேறியா ஆக்குற என் இன்னொரு மணசு.நான் அவன நல்லா மொக்கை பண்ணிட்டேன் மக்கா நீங்க கேக்காலாம் சாதுவா இருக்குற உனக்குள்ள எப்படி இவ்ளோ கோபம், தையிரியம் வந்துச்சு எப்படி சமாளிச்சனு. எல்லாம் நீங்கள் கொடுக்கும் உற்சாக பின்னுட்டமும். என்னை எப்போ ஆன்லைன்ல பார்த்தாலும் பாசமா நலம் விசரிக்க்குறதும்.நீ தனி ஆள் இல நாங்க எப்பவும் உன் கூட இருக்கேன்னு சொல்றதும்,என்னை தம்பியாவும்,நண்பனாவும், அண்ணனாவும்,மாபிள்ளையாவும் பாசமா சொந்தம் கொண்டாடுற உங்களால் மட்டுமே இது சாத்தியம்.நன்றினு ஒரு வார்த்தைல சொல்ல விரும்பல...அன்பு...அன்பு...அன்புன்னு...என் மொத்த அன்பையும் பிராத்தனைகளையும் உங்கள் அனைவருக்கும் கொடுக்கிறேன்...

புதினம் புகுத்திய பூமி...

2010-05-30T02:17:00.002+03:00

மேற்க்கே விழுந்து

மரித்துப்போன கதிரவன்;

வெள்ளை உடுத்தி விதவைகோலம்

பூண்டிருக்கிறாள் நிலா!?

உடைத்து போட்ட

நட்சத்திர வளைத் துகள்கள்;

கண்ணீர் பெருக்கு மழை;

கருப்பு கொடிபிடித்த கார்மேகம்;

அலை எழுப்பும் அழுகுரல் ஒப்பாரி;

இருளின் மடியில் இறந்துபோன பூமி....!!!

எதிர்காலம் விளக்கேற்றுகிறது கிழக்கில்;

சீர் வரிசையாய் தங்கமுலாம் பூசிய

பாடும் பறவைகள்;

சுபமுகூர்த்த வேளை;

சுடர்விடும் சூரிய மாப்பிள்ளை;

முகில் வெட்கம் மூடிய நிலாப்பெண்;

கண்பட்டுவிடாமல் கவர்ந்துகொண்ட கார்மேகம்;

புது வாழ்வு புணர அட்சதை தூவும் ஆனந்தமழைச் சாரல்;

ஏழு வர்ண்ணம் எடுத்து பூசிய வானவில் தாலிக்கயிறு;

எட்டு திக்கும் இடி(ந்து) விழும் கெட்டி மேளம்;

கடல் பாடும் வாழ்த்தொசை;

முதல் ராத்திரி!!!

அம்மாவாசையின் கருப்பு அறைக்குள்

காணாமல் போன காதல் ஜோடி;

சின்ன சின்ன சிமிலி விளக்கு பிடிக்கும்

நட்சத்திர கூட்டம்.

பிரபஞ்ச கருவறையில்

புத்துயிர் கொண்ட புதிய பூமி.

வருவேன்...

2010-05-23T22:49:00.000+03:00

திசுக்களை தின்றுவிடும்

தினசரி வாழ்கையிலிருந்தும்;

பாஷை புரியாத

பாவமண்ணின் பயத்திலிருந்தும்;

இரண்டு வருடம் இறுக்கத்தையும்

இடிகளையும் சுமந்த இதயத்தை

புலம் பெயர்த்து புதுப்பிக்கவும் ;

அவள் கருவில் நான் எழுதிய முன்னுறுநாள்

தவக்கவிதையை தரிசிக்கவும் ;

கதை கேட்டு குருட்டு பயம் புதைத்த

அம்மாவின் இருட்டு மடியில் இன்னொரு

முறை முகம் பதிக்கவும்;

காலத்தின் காயங்களை

கழுவிவிடும் அவளின் காதல்

கணங்களில் காணாமல் போகவும்;

கண்பார்வை சரிசெய்ய கத்தி வைத்த

கண்களுக்குள் காலமெல்லாம் என்னை வைத்த

தந்தையின் தழுவளுக்காகவும்;

இரண்டு வருட இம்சையை

இரண்டுமாத இனிமையில் கழிக்கும்

கனவுக் கணக்குகளோடும் ;

இரும்பு காட்டுக்குள் துரு(ம்பு)ப் பிடித்த

நினைவுகளை துளிர்க்கவிடவும்;

இதோ இரக்கமில்லா இடத்தை விட்டு

இறக்கைகள் விரித்த இயந்திர பறவையின்

முதுகேறி முழுதாய் வருகிறேன்.

இந்த பயணம் இறுதியென

இறைவனடி சேர்ந்தாலும் கருகிப்போன

கவிதை காகிதத்தின் சாம்பலாய்

காற்றிலாவது கலந்து வருவேன்.

காதல் வந்தால்...

2010-05-17T02:30:00.004+03:00

ஹார்மோன்களின் பருவ கிளர்ச்சியில்

முகம் காட்டும் பருக்களை-பார்க்கும்போதெல்லாம்

கைவிரல்களால் கற்பழிப்பாய்.

உயிருக்குள் உயிர் புகுந்து

ஊடுருவி உயிர் வாங்கும்

உன்னத உண்மை உணர்வாய்.

கனவிலும் கவிதையாய் உளறுவாய்.

காகிதத்தில் அவள் பெயர் இட்டு

அதையும் கவிதைஎன்பாய்.

தலையணை பஞ்சுகளை

கெஞ்சி கெஞ்சி கொஞ்சுவாய்.

கோடை வெயிலும் உனக்கு

கொடைக்கானல் மழையாகும்.

குளிர்கால கம்பளிகள்

குச்சி முள்ளாய் குத்தவரும்.

இதுவரை கண்டு கொள்ளாத வானம்

கோடிக்கண்கள் சிமிட்டி உன்னை மட்டுமே

உற்றுப்பார்க்கும்.

வெள்ளை நிலவு வண்ணம் பூசிக்கொண்டு

வாய் முளைத்து உன்னோடு நிறுத்தாமல் பேசும்.

தென்றல் கைபிடித்து

உன்னோடு உலாவரும்.

மாடியில் மலர்ந்துவிட்ட ஒற்றை ரோஜா

உன்வீட்டு நந்தவனமாகும்.

கல்லறையில் பூக்கும் கள்ளிச் செடியும்-உன்

காதுக்குள் காதல் பேசும்.

கான்க்ரீட் பாலங்களோ களத்துமேடாய் பொய்பேசும்.

கருகி உருகும் தார்ச்சாலை

ஒவ்வொன்றும் தனித்தீவாய்

தண்ணிகாட்டும்.

மூச்சு விட முடியாமல் முண்டி நிற்க்கும்

மாநகரப் பேருந்து மயில்வாகனமாய் மாறிப்போகும்.

ஓயாமல் பேசிய உதடுகள் ஊமையாகும்.

வார்த்தைகளின் வழி தெரியாத விழிகள்

காதல் அறிக்கையின் கடைசி பக்கம் வரை

கண்சிமிட்டி கடகடவென ஒப்பிக்கும்.

இதுவரை படிக்காத காதல் வாய்ப்பாடு

இனி தலைகீழ் பாடமாகும்.

இடி விழுந்து எரியாத இதயம்-அவள்

இமையில் விழுந்து எரியும்.

கனவு கழித்து வாழவும்

கண்ணீர் குடித்துச் சாகவும் முடியும்.

காதல் கடிதம் அல்ல...9தொடர் க(வி)தை...

2010-05-07T02:42:00.000+03:00

கொஞ்சம் நீளமாக இருக்கும் கடைசி வரை கண்(கருணை) வைக்கவும் கவிதைமேல்...

புதிதாய் படிப்பவர்களுக்கு முன் க(வி)தையின் எல்லா பாகமும் இங்கே..

திருப்பி அழைக்க முற்படுகையில்
திரும்பத்  திரும்ப சொல்லவேண்டியதை
பதியச்சொல்கிறாள் பதில் பேசமுடியாத ஒருத்தி.

விதியின் வழியையும் வலியையும்
வாழ்த்துகிறேன் காதலை மட்டுமல்ல
காயங்களையும் - அவள்
விழிகளில் வைத்ததால்.

ஏ...காதலே - நீ என்
காயங்களுக்கு களிம்பு போடவேண்டாம்
கண்களுக்குள் கத்தி எறியமலாவது இரு.

இன்று..
வெண்ணிலா வெள்ளி தீ தூவி - என் தேக
விறகை குளிர்காய எரித்துக் கொண்டது.
நெருப்பில் பிறந்து பறந்த வெள்ளி
தீப்பொறிகளெல்லாம் வானேறி விண்மீன்
வேஷம் போட்டு கொண்டன.

கண்கள் இரண்டும் - சேர்த்து வைத்த தூக்கத்தை
கண்ணீர் துளிகளில் செலவுசெய்து கொண்டன.

மூச்சிறைத்த இடைவெளி நொடிகளில்
உயிர் கேணியின் ஒவ்வொரு சொட்டாய்
இறைத்து குடித்து கொண்டது - அவளின்
நினைவுக்  கோப்பைகள்.

சொல்லாதே என்று சுட்டுவைத்தலும்
துடிக்கத்துடிக்க அவள்பெயரை மட்டுமே
சொல்வேன் என்கிறது சொரனைகெட்ட இதயம்.

என் நிசப்த நீர்வெளியில் நொடிக்கு ஒருமுறை
கல்லெறிந்து விளையாடுகிறது விடைபெறுவதாய் - அவள்
விட்டுசென்ற கடைசி வார்த்தைகள்.

அதன் சுனாமி பேரலைகள் இதயக்கோட்டையை
தகர்த்து ரத்தச்சகதியாய் கண்களின் கறைகடந்து
கண்ணங்கள் வழியே வழிகிறது.

அவள் கரி பூசிய முகத்தை கண்ணீரால் மட்டுமே
கழுவ முடியும்...(தொடரும்...)