காட்சி...நீட்சி...

கரண்ட் போனதும் தலையில் தீயேந்தி கதறியழும் மெழுகு 

தேநீர் கறைபடிந்த கோப்பையின் விளிம்பில் தேடிவந்தமரும் ஈ 

உப்பு சப்பில்லாத உவமைகளை உமிழ்ந்து விட்டு உறங்கும் பேனா

கன்னங்களில் கடன் காரனாய் காத்திருக்கும் உள்ளங்கை ரேகைகள்

சபலப்பட்டு அடுத்த முறையும் சாகத்துடிக்கும் புகைக்கூடு

சாக்கடையில் பிறந்தாலும் சாதிமத பேதமின்றி சரளமாய் கடிக்கும் கொசு 

அர்த்தம் விளங்காது அடித்துத் திருத்தப்பட்ட அவளுக்கான எழுத்து 

வசை பாட வந்துவிட்டு சிரிக்கும்போது சிறைபட்டுக் கிடக்கும் நாக்கு

வைரஸ்கள் தின்றுவிட்ட என் வலைப்பக்கங்கள்...