வெள்ளைக்காரி...

 

ஊதி விட்டவனின் உள்ளுக்குள்

உமிழ்ந்து விட்டுப் போகும்

உத்தமி இந்த வெள்ளைக்காரி.

 

சத்தமில்லா முத்தங்களை

சலிக்காமல் தந்தாலும்

இதழ்களுக்கிடையே இருந்துகொண்டு

ஈரக் கொலையில் ஈட்டி எரியும்

இன்ப வெள்ளைக்காரி.

காகித சட்டையோடு

காசுக்கு கை வந்து  

காற்றை சாக்கடையாய்

கற்பகூட்டுக்குள்ளே கலந்துவிடும் 

கண்ணிய  வெள்ளைக்காரி. 

மூச்சுபைக்குள்ளே

நிக்கோடின்  நெடி வீசி

கார்பன் கரி பூசி

கேன்சர் புற்று விற்கும் 

ஸ்பான்சர் வெள்ளைக்காரி. 

சூரியக் கங்கின் சூடு தாங்காத

சுவாசக் கூட்டுக்குள்ளே கொள்ளிவைக்க 

விரல் இடுக்கில் விறாகாய் முளைத்த

கொள்ளிவாய் வெள்ளைக்காரி.

விரட்டி விட்டோம் 

வெள்ளையனை என்ற

அறியாத மூடர் மூளையை 

அடிமையாக்கி வைத்திருக்கும்  

அழகான வெள்ளைக்காரி.