இது காதல் கடிதம் அல்ல...5 (தொடர் க(வி)தை)

(கொஞ்சம் நீளமாக இருக்கும் கடைசி வரை கண்(கருணை) வைக்கவும் கவிதைமேல்...)


புதிதாய் படிப்பவர்களுக்கு முன் க(வி)தை
பாகம் 1...
பாகம் 2...
பாகம் 3...
பாகம் 4... இனி...

நானும் அதிர்ந்து போய்;
எழுந்து ஒழிந்து கொண்டேன்.
ஒரு அம்மா அவசரமாய் உள்ளே வந்தார்;


அவளின் அம்மாவோ ?கேட்டால் என்ன சொல்ல?
மெல்ல நகர நினைக்கும் அகர நொடியில்;
அவரின் கழுத்தை கவனிக்க சொன்னது காதல்.


இரு கைகளால் இறுக்க கட்டி கொண்டிருந்தது
இதயத்துடிப்பை காட்டிகொடுக்கும் கருவி.
அறையில் மருந்து வாசம் போய்
மருத்துவர் வாசம் வந்தது.


அந்த கண்கள் கண்ணாடிக்கு வெளியே வந்து கேட்டது
அதே கேள்விகளை...யார் நீ?இவளுக்கு என்ன வேண்டும்??பெயர்???
என்னிடமும் தயாராய் இருந்தது
அதே பதில்கள்.நான் கா....வி.சொந்தம் என்று.


உன் இதயத்துடிப்பை கணக்கெடுத்தது கருவி.
ஆச்சரியம்!!!
நேற்று இறக்கவா?இயங்கவா??இருக்கவா??போகவா என்ற
இதய துடிப்பு இன்று இரண்டாய் துடிக்கிறதே!!!


கருப்பு நிற கிறுக்கலில் கவிதை வாசிக்கிறது
கருவியின் அறிக்கை.


காயிச்சல் மட்டும் குறையவில்லை
கவலை இல்லை.
மருந்து கொடுக்க சொல்லி
மறைந்தார் மருத்துவர்.


வெறும் வயிற்றுக்கும் மருந்துக்கும் ஆகாது.
உணவு வாங்கிவர உத்தரவிட்டது வெள்ளை தேவதை.
விரைந்து பறந்து வாங்கிவந்தேன் ஆரியபவன் இட்லி.


''சத்து இழந்த உடம்பு இது இப்போது
இவளால் இயங்கமுடியாது ஊட்டி விடு'' என்றது
கமுக்கமாய் காதில் - காதல்...(தொடரும்...)
(நீளமாய் இருந்தாலும் பொறுமையாய் படித்த அனைத்து இதயங்களுக்கும் நன்றி...)