நரக நெருப்பிலிருந்து பட்டாம் பூச்சி...

பட்டு வண்ண சிறகுகள்;

பாவம்  அறியா தேகம்;

பாவை உடல்;

பக்குவமான படபடப்பு ;

பணி துளிக்கும் வலிக்காத பாதம்.

இப்படி தெரிந்த நான் இன்று...

உஷ்ணத்தின்  உச்சநிலை சூட்டில்

உணர்வுகள் செத்து போய்

உறக்கம் அத்து போய்

உலகமே உஷ்ணமாய்...

உங்களுக்கு பாடமாய்...

தொட்டு பாத்தாலே

துவண்டு விடும் சிறகுகளை...

சுட்டு பார்த்து ஆனந்தம் கொள்கிறது நரக நெருப்பு.

 இரண்டு சென்டிமீட்டர் உடம்பை

இரண்டு மணிநேரமாய் எரித்து.

கருகிய சாம்பலில் மீண்டும் முளைக்கிறது

புதிய  உடல்,புதிய சிறகுகள்-மீண்டும்...மீண்டும்...

சுட்டு பார்த்து ஆனந்தம் கொள்கிறது நரக நெருப்பு.

ஏன் இந்த தண்டனை எனக்கு...??

வெட்கம் பழகாத; 

விபரம் அறியாத; 

வெள்ளி மலர் மொட்டை,

காமத்தீ கொண்டு 

கடைசிவரை தீண்டி;

காயம் தந்து 

கலவர படுத்தியதற்காய்.... 

பருவம்  அடையா (மலர்) பெண்ணை

திருடி தழுவ திட்டமிட்ட கள்வன் நான்...