Tuesday, June 29, 2010

மாக்கோலம் பூக்கோலம்...


வாசலிலே நீர்தெளிக்க
வளையோசை ஊர்எழுப்ப
வானவில்ல நீ வளச்சு
வண்ணக்கோலம் ஒன்னு போட
வச்சகண்ணு வாங்காம
வானமே உன்வாசல்வர
வசியம் போட்டு வரஞ்சுவச்ச
வரிசைக்கோலம் நெனவிருக்கா!!?
***
நீ கோலம்போட புள்ளி வைச்சு
புத்தகம் பார்த்திருக்க  ராவோடு ராவாய்
நட்சத்திரங்களை - தரைக்கு
தடம் பெயர்த்து வந்தவளே
 என்று ரகசியமா சொல்லிவச்ச
ராப்பொழுது நெனவிருக்கா!!?.
***


பிறைநிலாவ பிச்சுவந்து
கிள்ளி கிள்ளி அத எடுத்து
வாசலிலே நீர்தெளிச்சு
நீ போட்ட வாழ்த்துகோலம் 
நெனவிருக்கா!!??
***
வீட்டு  முற்றத்தில்  குத்தவைத்து
உட்கார்திருந்த உன்னை;
கோலம் என்றெண்ணி முதல் பரிசை
உன் வீட்டுக்கு அறிவித்த
கோலப்போட்டி நெனவிருக்கா!!?.
***
மருதாணி அரைச்சு 
மல்லிகை  கையில்  கோலம் போட்டு
அழகா இருக்கானு அடுத்தநாளு கேக்கையில 
இருட்டுல  இலுவிவிட்ட இந்த கோலம் அழகுன்னு
கண்ணாடி காட்டி கண்ணடிச்சது நெனவிருக்கா!!?.
***

ஆத்தா கிட்ட அடிவாங்கி
'யப்பே...'ன்னு அழுகையில
கண்ணத்த கடந்துவந்து
கண்ணீர் போட்ட நீர் கோலம்
கடவாயில்  உப்பு கரிச்சது
கண்ணே  நெனவிருக்கா!!?.
***

கைவிரல் நடனமாட 
கைவளவி தாளம்போட
கலர்கலரா மாவெடுத்து 
கச்சிதமா கோலம்போட்டு  
கண்மூடி கனாகண்ட
காதலான எழுப்பிவிட்டு 
கதவோரம்  வந்துநின்னு  
கண்ணாடிக்க,
கொலுச பேசவிட்டு
கோபப்பட்ட நெனவிருக்கா!!?.
***
கார்த்திகை மாசத்து
தீபத்துல   திரியவச்சு
தெருவெல்லாம்
தினறவச்சு நீ போட்ட
தீக்கோலம் நெனவிருக்கா!!?.
***
 எட்டு புள்ளி கோலம் போட்டு
எட்டுவச்சு  நீபோக - உன் 
தலையயேரிய   மல்லிகைபூ
எரங்கிவந்து கோலம்பாக்க
மாக்கோலம் பூக்கோலமா
மாறிப்போனது நெனவிருக்கா!!?.
***
வண்டியுருக்கு வாக்கப்பட்டு வண்டியிலே  நீபோக
வகைவகையா கோலம்பார்த்த என் வீட்டு வாசப்படி
வாழவெட்டியா வழியத்து கெடக்குமுன்னு
வஞ்சியே  நெனவிருக்கா!!?.
***















13 comments:

நேசமித்ரன் said...

நெனப்பிருக்கா....?

நினைவுகளின் கிளறல் நண்பரே

ப்ரியமுடன்...வசந்த் said...

//வானவில்ல நீ வளச்சு
வண்ணக்கோலம் ஒன்னு போட//

இது ரசனை..

//வீட்டு முற்றத்தில் குத்தவைத்து
உட்கார்திருந்த உன்னை;
கோலம் என்றெண்ணி முதல் பரிசை
உன் வீட்டுக்கு அறிவித்த
கோலப்போட்டி நெனவிருக்கா!!?.//

சூப்பர்ப்..

//எட்டு புள்ளி கோலம் போட்டு
எட்டுவச்சு நீபோக - உன்
தலையயேரிய மல்லிகைபூ
எரங்கிவந்து கோலம்பாக்க
மாக்கோலம் பூக்கோலமா
மாறிப்போனது நெனவிருக்கா!!?.//

கிளாசிக் டச் கிராமத்து நடையில அசால்ட்டா அருமையா எழுதியிருக்கீங்க.. வாழ்த்துக்கள் நன்றிகள்

ஸாதிகா said...

//எட்டு புள்ளி கோலம் போட்டு
எட்டுவச்சு நீபோக - உன்
தலையயேரிய மல்லிகைபூ
எரங்கிவந்து கோலம்பாக்க
மாக்கோலம் பூக்கோலமா
மாறிப்போனது நெனவிருக்கா!!?.
***//என்னே கற்பனை வளம்.பாராட்டுக்கள் சீமான்கனி.

Feros said...

//நீ கோலம்போட புள்ளி வைச்சு
புத்தகம் பார்த்திருக்க ராவோடு ராவாய்
நட்சத்திரங்களை - தரைக்கு
தடம் பெயர்த்து வந்தவளே
என்று ரகசியமா சொல்லிவச்ச
ராப்பொழுது நெனவிருக்கா!!?///

அருமை இப்படியல்லாமா ம்ம் சூப்பர்

அஹமது இர்ஷாத் said...

எல்லாமே நினைவிருக்கா....?

அருமையான கவிதை சகா...

அக்பர் said...

அருமை நண்பரே

தமிழ் உதயம் said...

எட்டு புள்ளி கோலம் போட்டு
எட்டுவச்சு நீபோக - உன்
தலையயேரிய மல்லிகைபூ
எரங்கிவந்து கோலம்பாக்

கவிதை வரிகள் மனதை ஈர்க்கின்றன.

சுசி said...

வஞ்சி வஞ்சத நான் கொஞ்சம் கூட எதிர்பார்க்கலை கனி..

கோலத்தை வச்சு கோலம் போட்டிருக்கிங்க.

இராமசாமி கண்ணண் said...

அருமையா இருக்குங்க ஒவ்வொன்னும்.

seemangani said...

நேசமித்ரன் said...
//நெனப்பிருக்கா....?

நினைவுகளின் கிளறல் நண்பரே //

நினைவின் வருகைக்கும் கருத்துக்கும் நன்றி மித்ரன் சார்...

ப்ரியமுடன்...வசந்த் said...
//கிளாசிக் டச் கிராமத்து நடையில அசால்ட்டா அருமையா எழுதியிருக்கீங்க.. வாழ்த்துக்கள் நன்றிகள் //

வருகைக்கும் வாழ்த்துக்கும் நன்றி மாப்பி...

ஸாதிகா said...

//என்னே கற்பனை வளம்.பாராட்டுக்கள் சீமான்கனி.//
நெசமாவா!!! வருகைக்கும் பாராட்டிற்கும் நன்றி ஸாதிகா அக்கா

Feros said...
//அருமை இப்படியல்லாமா ம்ம் சூப்பர் //

வருகைக்கும் வாழ்த்துக்கும் நன்றி பெரோஸ்...அடிக்கடி வாங்க...

அஹமது இர்ஷாத் said...

//எல்லாமே நினைவிருக்கா....?

அருமையான கவிதை சகா... //

இல்லாம எப்படி போகும் இர்ஷா...வருகைக்கும் கருத்துக்கும் நன்றி...சகா..

அக்பர் said...
//அருமை நண்பரே //

தொடர்ந்து வந்து உற்சாகம் தருவதற்கு மிக்க நன்றி அக்பர்...

தமிழ் உதயம் said...
//கவிதை வரிகள் மனதை ஈர்க்கின்றன.//

வருகைக்கும் கருத்துக்கும் நன்றி ரமேஷ்ஜி...


சுசி said...
//வஞ்சி வஞ்சத நான் கொஞ்சம் கூட எதிர்பார்க்கலை கனி..

கோலத்தை வச்சு கோலம் போட்டிருக்கிங்க.//

கவிதைல அவ்வளோ ஒன்றி போய்டீங்களா சுசிக்கா நன்றி சுசிக்கா...

இராமசாமி கண்ணண் said...
//அருமையா இருக்குங்க ஒவ்வொன்னும். //

முதல் வருகைக்கும் கருத்துக்கும் நன்றி பதிவுகள் பிடிச்சிருந்தா தொடர்ந்து வாங்க...கண்ணண்.

ஈரோடு கதிர் said...

அசத்தல் கனி

Sivaji Sankar said...

நல்லாருக்குண்ணே பாரதிராசா படம் மாதிரி..!! :)

seemangani said...

ஈரோடு கதிர் said...
//அசத்தல் கனி//
வருகைக்கும் கருத்துக்கும் நன்றி கதிர் அண்ணே...

Sivaji Sankar said... \

//நல்லாருக்குண்ணே பாரதிராசா படம் மாதிரி..!! :)//

அப்டியா சிவா நன்றி ....

Related Posts with Thumbnails